Кытайга көтөөрү, иэһин төлөөбүт

Суут приставтарын федеральнай сулууспатын Дьокуускай куораттааҕы уонна Сунтаар улууһунааҕы управлениелара 280 тыһыынча солкуобайдаах иэһи төнүннэриигэ 4 дьыаланы түмүктээтилэр.

Дьокуускай куорат олохтооҕо өр кэмҥэ суут быһаарыытын толорбокко, иэһин төннөрбөккө, куота сылдьыбыта.

Суут приставтара күһэйэн төлөттөрүү миэрэтин туһаммыттара. Баан счетугар сытар харчытын тутуу, регистрацияланарыгар хааччахтааһын, кыраныысса таһыгар барарыгар бобуу олохтоммута.

Бу киһи Кытайга бараары, иэһин төлүүргэ күһэллибит. Көтөрө нэдиэлэ эрэ хаалбытын кэннэ, хааччахтааһын баарын өйдөөбүт уонна суһаллык иэһин сууматын барытын төлөөбүт. Онон дьыала сабыллыбыт.

Суут приставтарыгар «Саҥа дьылга — иэһэ суох!» аахсыйа буола турар.  ФССП саайтыгар «Банк данных исполнительных производств» салааҕа киирэн, испииһэккэ бааргын-суоххун бэрэбиэркэлиэххин сөп. Ааккын-суолгун уонна төрөөбүт күҥҥүн-дьылгын эрэ ыйаҕын. Регистрацияланар ирдэммэт.