Ил Дархан, бырабыыталыстыба пресс-сулууспата.
«Муравьев-Амурский 2030» каадырдары бэлэмниир бырагыраамаҕа судаарыстыбаннай сулууспалаах буоларга бэлэмнэнэр эдэр дьон аан бастаан Кытай Норуодунай Өрөспүүбүлүкэтигэр баран стажировкаланар буолуохтара.
Кэм ирдэбилинэн, бу бырагыраамаҕа аан бастакытын тас дойдулар кыттыылара киирдэ. Манна «Сколково» оскуолата уонна МГУ Азия, Африка дойдуларыгар института кытталлар. Бырагыраама сороҕо Кытайга үлэлиэҕэ. Бу манна Арассыыйа илин диэки хайыспыт тас бэлиитикэтин суолтата бэлиэтэнэр.
— Уһук Илиҥҥэ үлэлээн, эдэр киһи улахан уопуту ылар, дьиҥ кыһалҕалары быһаарар кыахтанар. Биһиги дьоҥҥо туһалыыр судаарыстыбаннай сулууспалаахтары иитэн-үөрэтэн таһаарарга кыһаллабыт. «Муравьев-Амурский 2030» бырагырааманан Кытайга тахсан үөрэнэллэрэ кинилэргэ олус элбэҕи биэриэ дии саныыбын. Кытайдарга судаарыстыбаннай сулууспалаах буолуу дириҥ суолталаах, кинилэр аан бастаан үлэлэрин саамай кыра, уһук дэриэбинэттэн саҕалыыллар, уопутураллар, — диэн миниистир Алексей Чекунков эттэ.
«Муравьев-Амурский 2030» бырагырааманы Уһук Илини сайыннарыы министиэристибэтэ уонна Уһук Илини, Арктиканы сайыннарыы корпорацията, «Сколково» салайыы оскуолата, Уһук Илиннээҕи федеральнай университет үһүс сылын үлэлэтэллэр. Бырагыраама сыала-соруга — Уһук Илин эрэгийиэннэригэр судаарыстыбаннай сулууспалаахтары бэлэмнээһин.
Эдэр дьон биир сыл үөрэнэн баран, Уһук Илин эрэгийиэннэригэр икки сылга үлэлии бараллар. Үс сыл устата барыта 150 киһи үөрэннэ. 63 выпускник номнуо сулууспалаан эрэллэр, кинилэр миниистир, миниистири солбуйааччы, губернатор сүбэһитэ, управление начаалынньыга, баһылык солбуйааччыта буолан үлэлииллэр.
Ил Дархан, бырабыыталыстыба пресс-сулууспата.
“Роскосмос” судаарыстыбаннай корпорация телеграм-ханаалыгар иһитиннэрэринэн, балаҕан ыйын 7 күнүгэр Арассыыйа сиригэр-уотугар ый "өлүөҕэ". —…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саҥа үөрэх дьылын көрсө, атырдьах ыйын 27 күнүгэр, «Анаабыр алмаастара» АУо көмөтүнэн, табаһыттар оҕолорун Булуҥ…
Дьокуускай куорат борокуратуурата Усуйаана улууһун 27 саастаах олохтооҕор тэриллибит холобуонай дьыалаҕа буруйдааһыны өйөөтө. Кини халабыр…
"Улахан тэрилтэлэр уонна судаарыстыбаннай былаас уорганнарын үлэлэрин билсии инникитин өрөспүүбүлүкэни салайыахтаах дьону үөрэтиигэ дьоһуннаах хардыынан…
Чурапчы улууһугар “Дойдуну көмүскээччилэр” пуонда Саха сиринээҕи салаатын социальнай сүрүннээччитин көҕүлээһининэн Арассыыйа Дьоруойа, батальон хамандыыра,…