Хаартыска: "СахаДиаспора".
Ыам ыйын 18 күнүгэр Кытай Гуаньчжоу куоратыгар ыһыах ыһылынна. Ыһыаҕы Кытайга олорор Саха диаспоратын актыбыыстара Арассыыйа-Кытай доҕордоһуутун эрэгийиэннээҕи салаатын көмөтүнэн тэрийдилэр.
Гуаньчжоу куоракка ыһыаҕы хаһыс да төгүлүн ыһаллар. Саха сириттэн төрүттээх дьон эрэ буолбакка, элбэх омук дьоно кыттар. Манна олорор сахалар төһө кыалларынан сахалыы таҥнан-симэнэн кэллилэр, тэрээһиҥҥэ сүүрдүлэр-көттүлэр.
Түһүлгэҕэ киирэргэ ыалдьыттары кымыһынан айах тутан көрүстүлэр, үгэс курдук, баҕа санааны этэн туран, салама баайтардылар, өссө бэлэх биэрдилэр. Тэрийээччилэр оҕо оонньуур былаһааккатын, сахалыы остуол оонньууларын, саха таҥаһын, киэргэлин кэтэн, хаартыскаҕа түһэр фотозонаны, «Сахам сирэ» быыстапканы тэрийбиттэрэ интэриэһи тарта.
Ыһыах алгыстан саҕаланна, кэнсиэр, бириистээх лотерея буолла. Оһуохайга сааһыттан, омугуттан тутулуга суох бары тутуһан киирэн, доҕордоһуу үҥкүүтүн үҥкүүлээтилэр.
Бу кэнниттэн атах оонньууларыгар уонна мас тардыһыытыгар күрэхтэһиилэр буоллулар. Оҕолорго эстафетаны ыыттылар.
Киэһэ Гуаньчжоу куоракка киэҥник биллэр Куба үҥкүүһүтэ Виктор Кастроны кытта уопсай флешмоб үҥкүүлээтилэр.
«Үгүс омук дьоно ыһыахха сылдьан баран, Саха сирин туһунан аан бастаан биллилэр. Саха норуота былыргы үгэстэрин илдьэ сылдьарыттан сөхтүлэр. Тута интэриниэтинэн Саха сирин туһунан булан ааҕан баран, турист быһыытынан тиийиэхпит этэ дэстилэр. Онон ыһыах Гуанчжоу куоракка араас норуоттары сомоҕолуур култуура чаҕылхай тэрээһинэ буолла», — диэн тэрийээччилэр этэллэр.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…