Хаартыска: Тускулаана Горохова-Кобельянова
«下午好» (xià wǔ hǎo)»,- диэн Кытай омук саҥатын дэҥҥэ истэр дьон саха уола уу судургутук кытайдыы, Англия тылынан кɵҥүллүк кэпсэтэрин истэн сэргиибит.
Максим бэйэтэ Мииринэйтэн тɵрүттээх, онтон кэргэнэ Владлена — Сунтаар. Иккиэн 2008 сыллаахха Хэйхэйскай университекка үɵрэнэ сылдьан билсэн, Кытайга олохсуйа хаалбыттар. Эдэр ыаллар 17 сыл устата Улуу Кытай сиригэр олорон, үлэлии сылдьан сайын оҕолорун Сунтаарга дьонноругар билиһиннэрэ-кɵрдɵрɵ, сынньана кэлэн баран олохсуйа хаалбыттар. Аан бастаан «Тандем» атыы-эргиэн киинигэр «Гифтастик» диэн Кытайтан араас табаары аҕалан атыылыыр лааппы үлэлэтэ сылдьыбыттара. Билигин Владлена «Үрдэл» тыа хаһаайыстыбатын кээпэрэтиибигэр технологынан үлэлиир. Үүт ас арааһын оҥорон таһаарыга сүбэтэ-соргута, оҥорор ньыматын кɵрɵрɵ-истэрэ, хаачыстыбатын бэрэбиэркэлээһинэ кини сүрүн үлэтэ.
Владлена Бормонтова: «Тыа хаһаайыстыбатыгар үлэлиир олус интэриэһинэй, биһиги тэрилтэбит үүт ас арааһын барытын оҥоробут, кэнники мороженай арааһа эбилиннэ», — диэн санаатын үллэстэр. Ыал аҕа баһылыга Максим күн аайы ɵрɵмүɵн үлэтэ. Ыаллар икки мэндиэмэннээх дьиэни атыылаһан бу күһүн оҕо оонньуур киинин тэрийэр санаалаахтар.
Максим Бормонтов: «Биһиги кыра оҕолоохпут, кинини аралдьытарга, сынньатарга оҕо түһүлгэлэрэ манна суохтар, ол иһин оҕо оонньуур киинин арыйар баҕалаахпыт. Кыра оҕолорго батуттартан саҕалаан, тɵрɵɵбүт күннэри ылар сир, обургу оҕолорго плейстейшен, виар ачыкыылаах оонньуулар баар буолуохтара, билигин социальнай ханатраакка киирсэ сылдьабыт». Онон, сунтаардар сотору кэминэн оҕолорбутун оонньотор, сынньатар сирдэниэхпит. Биһиги дойдуга Бормонтовтар курдук сайылыы кэлэн баран олохсуйа хаалбыт дьоннор олус элбэхтэр, бэйэм да оннук сыаллаах кэлэн баран дойдубар үлэлээбитим — хамнаабытым хайы сах уонтан тахса сыл буолбут эбит. Билигин Сунтаарбытыгар олохсуйарга, үлэлииргэ, айарга-тутарга бары усулуобуйа олохтонор, бэл диэтэр баараҕай бассейн кытта арылынна. Онон, доҕоттор Сунтаарга кэлиҥ, олохсуйуҥ, үлэлээҥ, айыҥ-тутуҥ!
Тускулаана Горохова-Кобельянова
Миигин 1943 сыл сайыныгар Дьокуускай куорат холбоһуктаах байаҥкамаата аармыйаҕа ыҥырбыта. “Ленин” борохуотунан Өлүөнэ эбэбитин өксөйөн…
Тыа хаһаайыстыбатын атын салааларыгар курдук, Саха сирин таба иитэр хаһаайыстыбаларыгар түбүктээх сайыҥҥы күннэр тураллар. Өрөспүүбүлүкэ…
Дьокуускай, Хаҥалас улууһун Покровскай куоратын оҕо саадыгар өр сылларга методиһынан, кэлин киин куоракка оҕо саадын…
Эрэдээксийэҕэ сурук киирдэ. “Оҕо 17 сааһын туолла да, босуобуйа ылбат. Өскөтүн ыал дохуота кыра буоллаҕына,…
Хаан баттааһына эмискэ тахсар түгэнигэр киһи минньигэһи, туустааҕы, аһыыны аһыыра, арыгы иһэрэ, табах тардара хааччахтардаах.…
Үүттүгэннээх сайыҥҥы күннэри баттаһа тыа сирин дьонугар үлэ-хамнас үгэнэ. Үүтү туттарыы, от үлэтэ. Ол быыһыгар…