Хаартыска СӨ Биологическай ресурсалар уонна ураты харыстанар сирдэр дириэксийэтиттэн
«Куолума-Чаппанда» ресурснай резервакка «Охотскай Перевоз» көтөрдөрү кэтээн көрөр ыстаансыйаҕа биһилэхтээһин үлэтэ ыытыллар диэн СӨ Биологическай ресурсалар уонна ураты харыстанар сирдэр дириэксийэлэрэ иһитиннэрэр.
Атырдьах уонна балаҕан ыйыгар манна 32 араас көрүҥтэн 1299 көтөр тутуллан биһилэхтэннэ. Онуоха Алдан өрүс хочотугар хатыҥнаах, тииттээх тыатыгар 24 ситим туруорулунна.
«Биһилэхтээһин кэмигэр 160 көтөр хаста даҕаны тутуллубута бэлиэтэннэ. Ураты болҕомтону өрөспүүбүлүкэ Кыһыл кинигэтигэр киирбит түөрт көрүҥ элбэхтик тутулунна: эриэн чаччыгыныар, күөх чаччыгыныар, талах чыычааҕа уонна хонуу чыычааҕа», – диэн РНА Сибиирдээҕи салаатын Криолитозона биологическай проблемаларын институтун орнитолога Анатолий Лукин кэпсээтэ.
Көтөрдөрү биһилэхтээһиҥҥэ волонтердар уонна устудьуоннар – Авиана Аргунова, Эрхан Лукин уонна Анастасия Коркина көмөлөһөллөр.
Санатан эттэххэ, биһилэхтээһин ыстаансыйата «Кыталык көтүүтэ» орнитологическай бырайыак сорҕотунан буолар, бу бырайыак көтөрдөрү үөрэтиигэ уонна харыстааһыҥҥа туһуланар.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…