“Кыталыктаах кырдалым” киинэ  ХХХ Минскэйдээҕи норуоттар икки ардыларынааҕы киинэ бэстибээл икки наҕараадатын тутта

Ил Дархан Айсен Николаев киинэни уһулбут хамаанданы наҕараадаларынан эҕэрдэлээтэ уонна инники өттүгэр ситиһиилэри баҕарда.

“Листопад» ХХХ Минскэйдээҕи норуоттар икки ардыларынааҕы киинэ бэстибээлин түмүгүнэн режиссер Михаил Лукачевскай “Кыталыктаах кырдалым” киинэтэ икки наҕарааданы ылла! Бу Беларусь Бэрэсидьиэнин “Киинэҕэ гуманизм уонна духуобунас туһугар” бирииһэ уонна “Михаил Пташук аатынан киинэ бастыҥ режиссуратын иһин” бириис. Саха сирэ киэн туттар!”, — диэн Айсен Николаев бэйэтин Telegram ханаалыгар суруйда.

Киинэ бу иннинэ “Кыһыл көмүс суор” киинэ бэстибээл Гран-притын уонна Дьокуускайга VII норуоттар икки ардыларынааҕы киинэ бэстибээл Гран-притын ылбыта диэн иһитиннэрэр Ил Дархан уонна бырабыыталыстыба пресс-сулууспата.