Хаартыска: ТАСС
Михаил Лукачевскай «Кыталыктаах кырдалым» («Там, где танцуют стерхи») киинэтэ Иран Шираз куоратыгар буолбут 43-с «Фаджр» норуоттар икки ардыларынааҕы киинэ бэстибээлигэр «Бастыҥ киинэ» («Восточная перспектива» категорияҕа) аатын ылла.
Бу туһунан Ираҥҥа Арассыыйа посольствота иһитиннэрэр. Киинэ бэстибээлигэр Арассыыйа посольствотын үлэһиттэрэ уонна киинэ устааччылар кыттыбыттар. «Международная часть» категорияҕа Андрей Кончаловскай уонна Елена Киселева «Смотри на меня!» киинэлэрин сценарийыгар анал наҕарааданы ыллылар.
Онон саха киинэтэ өссө биир кыайыыны ситистэ, өссө биир үктэли дабайда. Этэргэ дылы, онтон соһуйбат да буоллубут.
«Кыталыктаах кырдалым» киинэ Иван Дьячковскай-Кыталык Уйбаан «Кустугу ситтэрбиэн» диэн бэйэтин олоҕун туһунан сэһэнинэн уһуллубута.
Санатар буоллахха, «Кыталыктаах кырдалым» киинэ VIII «Золотой ворон» Арктикатааҕы норуоттар икки ардыларынааҕы киинэ бэстибээлигэр Гран-при бирииһин ылбыта. Бу бэстибээлгэ быйыл 126 дойдуттан 3600 сайаапка киирбититтэн, бастыҥы талан ылбыттар.
Маны тэҥэ, 2024 сыллаахха Минскэйдээҕи «Лiстапад» норуоттар икки ардыларынааҕы киинэ бэстибээлигэр Беларусь бэрэсидьиэнин «За гуманизм и духовность в кино» бирииһин, «За лучшую режиссуру игрового фильма имени Михаила Пташука» бирииһи ылбыта.
2025 сыллаахха Бангладешка Даккатааҕы норуоттар икки ардыларынааҕы киинэ бэстибээлигэр «Бастыҥ оҕо киинэтэ» ааты ылбыта.
XIII «Будем жить» Москватааҕы ноуроттар икки ардыларынааҕ киинэ бэстибээлигэр икки бирииһинэн бэлиэтэммитэ.
VII Дьокуускайдааҕы норуоттар икки ардыларынааҕы киинэ бэстибээлин Гран-при бирииһин ылбыта.
Бүгүн, олунньу 2 күнүттэн, Саха сиригэр бырабыыталыстыба отчуота саҕаланна. Муома улууһугар СӨ Бырабыыталыстыбатын Бэрэссэдээтэлин солбуйааччы…
Нерюнгри оройуонугар быйыл 1,2 мөл. туонна тимир руда хостоноро былааннанар. Өрөспүүбүлүкэ бырамыысыланнаһын уонна геологиятын…
Өрөспүүбүлүкэ борокуруора Сергей Дябкин сорудаҕынан ыытыллыбыт бэрэбиэркэ түмүгүнэн, 2026 сыл тохсунньу 20 күнүгэр икки оҕо,…
«Ымсыыбыттан буолбакка, дьиэбэр айаннаары гыммытым» диэн холуочук сылдьан массыына уоран баран, айаннаан иһэн алдьаппыт кыыс…
Тохсунньуга Хотугулуу-Илиҥҥи федеральнай университет технологическай полигонугар JAC Motors Кытай хампаанньатын массыыналарын тургутуу ыытыллыбыта. Инженердэр JAC…
Саха сиригэр 642 киһи байыаннай сулууспалаах эмтэнэр сиригэр тиийэргэ материальнай көмөнөн туһанна. Бу туһунан СӨ…