Хаартыска: СИА
Бу 1990 сыллаахха этэ. Сир ийэ барахсан сайыҥҥы симэҕин кэтэн, олус киэркэйэн турар кэмэ.
Хонуу устун сир симэҕэ күндү көбүөр буолан тэлгэнэрэ. Балык ыама саҕаланан күөл үрдүн дьирибинэтэ хамсатара. Мутукча сыта дыргыйан сүрэххэр түһэрэ. Араас өҥнөөх лыахтар ирбинньиктэнэ көтөллөрө. Кэрии тыаҕа кэҕэ чоргуйара, өтөн үөтэрэ.
Күөрэгэй чыычаах көй салгыҥҥа дьырылыы ыллыыра, сотору-сотору сылаас тыал илгийэн ааһара. Кэрэкэтиэн, күөҕүнэн чэлгийэр алааспыт.
Доҕотторбутун кытта Уус Алдан Бороҕонугар сир астыы айаннаан иһэбит. Күө-дьаа кэпсэтэ-кэпсэтэ. Хайа эрэ кэрэ айылҕалаах алааска эмискэ аргыспыт: «Көрүҥ эрэ! Көрүҥ эрэ !”-диэтэ. Күөл кытыытыгар сэттэ кыталык үҥкүүлүү сылдьар.
Былыр былыргыттан кыталыктар кыраһыабай, көнө ньуурдаах кырдалларга көччүйэн, сынньанан ааһалларын истэрим. Эчи, үҥкүүлүүллэрэ кэрэтин, киһи тылынан сатаан эппэт. Балачча өр үҥкүүлээн баран көтөн тыкаара турдулар.
Үйэбэр биирдэ кыталыктар үҥкүүлэрин көрбүппүн билиҥҥэ диэри астына сылдьабын. Айылҕа кэрэ бэлэҕэ дии саныыбын…
Билигин сааһыран олорон, кыталыктар барахсаттар үҥкүүлэрэ харахпар көстөн кэлэр. “Кыталыктары көрбүппүнэн дьоллоох этим”, — диибин мин.
Александра КАРДАШЕВСКАЯ-ХАРЫСТААНА
Сайыҥҥы уһун сынньалаҥнар кэннэ үлэ, үөрэх дьыла саҕаланыыта дьиэ кэргэн бүддьүөтүгэр улахан хамсааһын тахсар. Маныаха…
Өлүөхүмэ улууһугар 44 саастаах эр киһи матасыыкылынан айаннаан иһэн сылгыны кытта харсыспыт. Ол түмүгэр суоппар…
Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна. [gallery ids="241612,241622,241621,241620,241619,241618,241617,241616,241615,241614,241613,241610,241611"] Оруобуна 1…
Дьокуускай куорат күнүн көрсө мээр Евгений Григорьев суруналыыстары мунньан пресс-конференция ыытта. Тэрээһин быйыл күһүн үлэҕэ…
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…