Кыттыгас үбүлээһин тула

Саха сирин Хапытаалынай өрөмүөҥҥэ пуондата ВКС эрэсииминэн кылгас болдьохтоох былаан туһунан муниципалитеттары кытта мунньах ыытта. Бу былаан 2025-2027 сыллары хабар.

“СӨ Элбэх кыбартыыралаах дьиэлэри хапытаалынайдык өрөмүөннээһиҥҥэ пуондата” тэрилтэ генеральнай дириэктэрэ  Леонид Дмитриевич Бястинов маннык эттэ:

— Дьиэ-уот кодексын 189-с ыстатыйатынан элбэх кыбартыыралаах дьиэлэргэ помещениелары бас билээччилэр салайар хампаанньа, бэйэлэрин көҕүлээһиннэринэн эбэтэр пуонда этиитинэн бу дьиэ уопсай баайын-дуолун өрөмүөнүн ыытыыга быһаарыныы ылыналлар. Өрөмүөнү ыытыыга туох үлэ барыахтааҕа чопчуланар. Ону тэҥэ олохтоох салайыныы уорганнара кыттыгас үбүлээһин өттүнэн кыттыахтарын сөп.

Онон мунньах түмүгүнэн муниципальнай тэриллиилэр кыттыгас үбүлээһиҥҥэ кыттыһыыларын көрүөхтээхтэр, усунуоһу хомуйууга нэһилиэньэни кытта үлэни тэрийсиэхтээхтэр.

Пуонда пресс-сулууспата