Р.Шишигина ыытта
Биһиги күндү күтүөппүт Иванов Иван Константинович 1935 сыллаахха сэтинньи ый 14 күнүгэр 1 Наахара нэһилиэгэр “Кыһыл Оборуона” холкуоска холкуостаах дьиэ кэргэнигэр төрөөбүтэ.
1943 сыллаахха Тиэлиги начаалынай оскуолатыгар үөрэнэ киирэн баран, 1953 сыллаахха 2 Наахара 7 кылаастаах оскуолатын бүтэрбитэ, онтон Майаҕа киирэн үөрэммитэ. 1956-1959 сс. Тиэлигигэ үлэлээбитэ.
Онтон олоҕун оҥостон Бырамаҕа кэлэн олохсуйбута. Бырамаҕа кэлэн Александр Матросов аат. колхуоска сүөһү көрүүтүгэр, ыскылаат сэбиэдиссэйинэн үлэлээбитэ. 1959 сыллаахха Соловьева Александра Иннокентьевнаны кэргэн ылан, ыал буолан 2 уол оҕолонон, бэрт үчүгэйдик олорбуттара. Улахан уол Валерий суоппар идэлээх, 1993 сыллаахха совхоз бастыҥ суоппара буолбута, билигин Алын Бэстээххэ таксистыы сылдьар. Кыра уол Иван култуура үлэһитэ идэлээх, элбэх үрдүк ситиһиилэрдээх, кыыс оҕолоох, Санкт-Петербурга үөрэнэр. Билигин кыра уол нолуок иниспиэксийэтигэр үлэлиир.
Иван Константинович 1978 сыллаахха сопхуоска биир бастыҥ үлэһит буолан Казахстаҥҥа тиийэн сынньанан кэлбитэ. Үлэ бэтэрээнэ, “Аҕа дойду Улуу сэриитигэр 1941-1945 сс килбиэннээх үлэтин иһин” Сталин мэтээлинэн уонна да атын үгүс элбэх үбүлүөйүнэн мэтээллэринэн, сопхуос, оройуон грамоталарынан уонна махтал суруктарынан наҕараадаламмыта. Улуус “Ытык ыала” Бочуотугар киллэриллибитэ.
Кэлин сылларга биэнсийэҕэ тахсыар диэри бостууктаабыта. Үс сыл устата оҕо звенотун окко салайбыйбыта, онно үчүгэй көрдөрүүнү ситиһэн, бастыҥнар кэккэлэригэр киирбитэ. Былырыын оройуоҥҥа Бочуот кинигэтигэр киирбитэ. Бэҕэһээ кини 90 сааһын томточчу туолла. Нэһилиэк, оройуон, социальнай харалта наҕараадаларын тутта. Баҕарабыт биһиги киниэхэ өссө да уһуннук олорон, 100 сааһыгар тиийэн үөрэ-көтө олороругар.
Раиса Шишигина
Хаартыска: ааптар
Үтүө киһи туһунан суруйар эмиэ да чэпчэки, эмиэ да ыарахаттардаах курдук. Кини мааны майгыта, үлэтин-хамнаһын…
Анатолий Петрович Гоголев туһунан хаһыат балаһатыгар киһи ситэн ылбычча кыайан суруйбат, оннук киэҥ, дириҥ ис…
Айсен Николаев Монголия генеральнай консула Батсух Ичинхорлоону кытта Иркутскайга көрүстэ. Салгыы бииргэ үлэлэһии боппуруостарын кэпсэттилэр.…
Саха сиригэр доруобуйа харыстабылын бастакы сүһүөх звенотун модернизациялааһын бырагырааматыгар саҥа эбийиэктэри (биэлсэр-акушер пууннарын, быраас амбулаторияларын)…
Бу күннэргэ Дьокуускай куоракка Өрөспүүбүлүкэ болуоссатыгар саҥа дьыллааҕы харыйа турда. Улахан тымныылар түһэ иликтэр, Саҥа…
Таатта улууһун Дьүлэй нэһилиэгэр олохтоох нэһилиэнньэ көҕүлээһинин өйүүр бырагыраама чэрчитинэн үгүс үлэ ыытылынна. Бэлиэтээн суруйдахха,…