Ил Дархан, бырабыыталыстыба пресс-сулууспата.
Хаҥалас улууһун биир ыраах сытар нэһилиэгэр Кытыл-Дьурааҕа быйыл хочуолунай тутуллан, үлэҕэ киириэҕэ. Бу эбийиэк «ОДьКХ» ГУП инвестиционнай бырагырааматынан тутуллар. Улахан кыамталаах хочуолунай сэлиэнньэ бары олохтоохторун сылааһынан хааччыйыаҕа. Бу туһунан Бырабыыталыстыба отчуотун кэмигэр иһитиннэрдилэр.
— Кытыл-Дьураа олохтоохторо социальнай эбийиэктэри тупсарарга көхтөөхтүк кытталлар. Кинилэр көҕүлээһиннэрин олоххо киллэрии сэлиэнньэни сайыннарар, олох хаачыстыбатын тупсарар. Билигин модульнай амбулаторияны тутууга докумуоннарын бэлэмнииллэр. Саҥа оскуола дьиэтин тутуу, эбэтэр, баар дьиэни хапытаалынай өрөмүөннээһин соруга турар, — диэн бырабыыталыстыба бэрэссэдээтэлин солбуйааччы Анатолий Семенов эттэ.
Сэлиэнньэ улуус кииниттэн ыраах, Өлүөнэ өрүс кытылыгар турар. Уу ааллара тохтуулларыгар дебаркадер оҥоһуллуохтаах. Тырааныспар министиэристибэтин дааннайынан, саҥа дебаркадердар бырайыактара оҥоһуллуохтаахтар, ону Жатайдааҕы судоверфь оҥорон таһаарыахтаах.
Оттон Үөдэйгэ нэһилиэнньэ толору ититии ситимигэр холбонон олорор. Былырыын «Комплексное развитие сельских территорий» федеральнай бырагырааманан 60 миэстэлээх оскуола дьиэтэ үлэҕэ киирбитэ.
Айсен Николаев 2023 сыллаахха дьаамсык култууратын биэс сылын биллэрбитэ. Үөдэй олохтоохторо бары тэрээһиннэргэ көхтөөхтүк кыттарга бэлэмнэрин биллэрдилэр.
Хаҥалас улууһугар бырабыыталыстыба отчуота олунньу 5 күнүттэн саҕаланан баран, Покровскай куоракка олунньу 7 күнүгэр түмүктэниэҕэ.
Ил Дархан, бырабыыталыстыба пресс-сулууспата.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…