Хаартыска: ааптар түһэриитэ
РСФСР үөрэҕириитин туйгуна, СӨ үөрэҕириитин ситимин бочуоттаах бэтэрээнэ, Хаҥалас улууһун уонна Кытыл Дьура сэлиэнньэтин Бочуоттаах олохтооҕо, 5-Малдьаҕар оскуолатыгар дириэктэринэн өр сылларга үлэлээбит Николай Афанасьевич Макаров аатынан нуучча дуобатыгар күрэхтэһии буолан ааста.
Бу туһунан «Хаҥалас» хаһыат суруйар. Күрэхтэһии күүтүүлээх уонна долгутуулаах түгэннэриттэн биирдэстэрэ ыҥырыылаах хамаандалар болдьоммут кэмҥэ айаннаан кэлэллэрэ буолара. Дуобат, саахымат күрэҕэр Сиинэҕэ, ол курдук, Кытыл Дьураттан Николай Афанасьевич хамаандатын иннигэр уктан киирэн кэлэн үөрдэрэ харахпар бу көстө хатанан хаалбыт. Биһиги кинини сиэннэрин барыларын успуорт бу көрүҥэр угуйан үөрэппит, ииппит дьоһун эһээ быһыытынан билэрбит…
Бу күннэргэ кыыһа Светлана Николаевна дьиэ кэргэнинээн оскуола кэлэктиибэ өйөөн, Кытыл Дьураҕа улуус соҕурууҥҥу нэһилиэктэрин иһинэн дуобакка Николай Макаров аатыгар күрэҕи тэрийэн ыыттылар.
Сиинэттэн «Тобул» саахымат-дуобат кулуубуттан хамаандабытын бэлэхтээн, истиҥ алгыс тылы этэн атаарбыппыт. Учуутал Владимир Николаевич Захаров бэлэмнээн икки улахан киһини кытары тоҕус оҕону тэрийэн илдьэн кытыннарда. Күрэхтэһэн, хамаанданан бастаан астынан кэллилэр. Ытыктыы саныыр энтузиаст-дуобатчыт киһибит кэриэһигэр маннык күрэхтэһии инникитин да ыытылла турарыгар баҕарабыт.
Санатар буоллахха, быйыл Арасыыйаҕа биллэриллибит Дьиэ кэргэн сылыгар «Всей семьей» бырайыак үлэлиир. Бу бырайыак чэрчитинэн кыттааччылар араас тэрээһиҥҥэ сылдьан, уустуга суох сорудахтары толорон, бириистээх оонньууга кыттыахтарын сөп. Бырайыак саайта: Всей семьей.рф.
Лариса Леверьева, Сиинэ
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай…
"Якутия в деталях" саҥа биэриитигэр СӨ тырааныспарга уонна суол хаһаайыстыбатыгар миниистир Владимир Сивцев муус туруутун…
Бэлитиичэскэй репрессия ыар тыына Кэбээйи оройуонун эмиэ хаарыйбыта, элбэх дьон ыраас ааттарын хараардыбыта, олохторун огдолуппута.…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…