Хаартыска: Елена Потоцкая.
Бу күннэргэ «Кыайыы Знамята» эстэпиэтэни Тымныы полюһа Өймөкөөн улууһун дэлэгээссийэтэ Кэбээйи улууһун бэрэстэбиитэллэригэр туттардылар.
Өймөкөөн улууһун аатыттан «Кыайыы Знамята» бэлиэни Өймөкөөн улууһун Төрүт нэһилиэгин баһылыга Владимир Алексеев Арассыыйа Дьоруойа Александр Колесовка туттарда.
Эстэпиэтэ суолтатын арыйан туран, Александр Колесов байыаннай дьайыыга сылдьар биир дойдулаахтарыгар өрүү көмө буола олорор Өймөкөөн землячествотын аатыттан үөрүүлээх-быһыыга-майгыга Кэбээйи улууһун баһылыгын социальнай боппуруостарга солбуйааччы Анна Поповаҕа туттарда.
Анна Петровна «Кыайыы Знамята» бэлиэни Кэбээйи улууһуттан байыаннай дьайыыга кытта сылдьар Геннадий Шестаковка туттарда.
Саха буойуна бу эстэпиэтэ Улуу Кыайыы туһугар турууласпыт сэбиэскэй саллааттарга уонна дойдуларын чиэһин көмүскүү сылдьан олохторун толук биэрбит уолаттарбытын өйдүү-саныы сылдьарбыт туһугар ыытыллар тэрээһин буоларын бэлиэтээн туран Кэбээйи тыа сирин сэлиэнньэтин баһылыгар Илья Левиҥҥэ туттарда.
Суолталаах тэрээһиҥҥэ Кэбээйи улууһун култуураҕа управлениетын начальнига Илья Алексеев уонна Кэбээйи улууһун землячествотын салайааччыта Александр Кычкин кыттыыны ыллылар.
Өймөкөөн уонна Кэбээйи улуустара «Кыайыы Знамята» бэлиэ эстэпиэтэтин тэрээһинин Арассыыйаҕа Байыаннай килбиэн күнүгэр Марат болуоссатын Умуллубат уотун иннигэр ыыттылар.
Кэбээйи улууһун баһылыгын социальнай боппуруостарга солбуйааччы Анна Попова бэлиэтээбитинэн, Кыайыы Знамятын көрсүү тэрээһиннэрэ Кэбээйи сэлиэнньэтигэр уонна Сангаарга ыытыллан баран, эстэпиэни Нам улууһугар туттарыахтара.
Санатан эттэххэ, Кыайыы Знамятын эстэпиэтэтин 2024 сыл ахсынньы 28 күнүгэр саха норуотуттан бастакы Сэбиэскэй Сойуус Дьоруойа буолбут Федор Кузьмич Попов төрөөбүт дойдутуттан Ил Дархан Айсен Николаев саҕалаабыта. Кыайыы Знамята өрөспүүбүлүкэ бары улуустарын кэрийэн Дьокуускай куоракка ыам ыйын 9 күнүгэр тиийиэҕэ.
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…