Хаартыска: Елена Потоцкая.
Бу күннэргэ «Кыайыы Знамята» эстэпиэтэни Тымныы полюһа Өймөкөөн улууһун дэлэгээссийэтэ Кэбээйи улууһун бэрэстэбиитэллэригэр туттардылар.
Өймөкөөн улууһун аатыттан «Кыайыы Знамята» бэлиэни Өймөкөөн улууһун Төрүт нэһилиэгин баһылыга Владимир Алексеев Арассыыйа Дьоруойа Александр Колесовка туттарда.
Эстэпиэтэ суолтатын арыйан туран, Александр Колесов байыаннай дьайыыга сылдьар биир дойдулаахтарыгар өрүү көмө буола олорор Өймөкөөн землячествотын аатыттан үөрүүлээх-быһыыга-майгыга Кэбээйи улууһун баһылыгын социальнай боппуруостарга солбуйааччы Анна Поповаҕа туттарда.
Анна Петровна «Кыайыы Знамята» бэлиэни Кэбээйи улууһуттан байыаннай дьайыыга кытта сылдьар Геннадий Шестаковка туттарда.
Саха буойуна бу эстэпиэтэ Улуу Кыайыы туһугар турууласпыт сэбиэскэй саллааттарга уонна дойдуларын чиэһин көмүскүү сылдьан олохторун толук биэрбит уолаттарбытын өйдүү-саныы сылдьарбыт туһугар ыытыллар тэрээһин буоларын бэлиэтээн туран Кэбээйи тыа сирин сэлиэнньэтин баһылыгар Илья Левиҥҥэ туттарда.
Суолталаах тэрээһиҥҥэ Кэбээйи улууһун култуураҕа управлениетын начальнига Илья Алексеев уонна Кэбээйи улууһун землячествотын салайааччыта Александр Кычкин кыттыыны ыллылар.
Өймөкөөн уонна Кэбээйи улуустара «Кыайыы Знамята» бэлиэ эстэпиэтэтин тэрээһинин Арассыыйаҕа Байыаннай килбиэн күнүгэр Марат болуоссатын Умуллубат уотун иннигэр ыыттылар.
Кэбээйи улууһун баһылыгын социальнай боппуруостарга солбуйааччы Анна Попова бэлиэтээбитинэн, Кыайыы Знамятын көрсүү тэрээһиннэрэ Кэбээйи сэлиэнньэтигэр уонна Сангаарга ыытыллан баран, эстэпиэни Нам улууһугар туттарыахтара.
Санатан эттэххэ, Кыайыы Знамятын эстэпиэтэтин 2024 сыл ахсынньы 28 күнүгэр саха норуотуттан бастакы Сэбиэскэй Сойуус Дьоруойа буолбут Федор Кузьмич Попов төрөөбүт дойдутуттан Ил Дархан Айсен Николаев саҕалаабыта. Кыайыы Знамята өрөспүүбүлүкэ бары улуустарын кэрийэн Дьокуускай куоракка ыам ыйын 9 күнүгэр тиийиэҕэ.
Ааспыт нэдиэлэҕэ Айсен Николаев Арктикатааҕы ускуустуба, култуура уонна креативнай индустрия судаарыстыбаннай университетыгар сырытта. Урукку култуура…
Уһуйаан сэбиэдиссэйэ аһылык бородууксуйатын тириэрдиигэ 3 мөл. солк. тахса суумалаах 15 хантараагы бэйэтин төрөппүт кыыһын…
Бырабыыталыстыба бэрэссэдээтэлин солбуйааччы Ольга Балабкина былаас ситэриилээх уорганын отчуотун чэрчитинэн, Горнай улууһун Бэрдьигэстээх сэлиэнньэтигэр Дьячковскайдар…
СӨ Баһылыга Айсен Николаев Бырабыыталыстыба уонна Ил Дархан дьаһалтатын салалтатын кытта мунньахха федеральнай таһымҥа ылыныллыбыт…
Ил Дархан Айсен Николаев Эпос уонна искусство Арктикатааҕы киин тутуутун хаамыытын көрдө-иһиттэ. Бу Уһук Илиҥҥэ…
Дьокуускай куорат суута ИДьМ силиэстийэлиир чааһын силиэдэбэтэлин хадатаайыстыбатынан “Саха сирин тутааччыларын сойууһа” СРО урукку генеральнай…