Хаартыска: Сунтаар улууһун дьаһалтата
Күүкэй нэһилиэгэр үлэни-үөрэҕи өрө тутан, элбэх оҕону төлкөлөөн, дьон-норуот туһугар туруулаһан үлэлээбит Акимовтар дьиэ кэргэттэрин аата-суола үйэлэргэ үйэтитилиннэ. Бу туһунан Сунтаар улууһун дьаһалтата иһитиннэрэр.
Ол курдук, ааттаах бэлиитик Александр Константинович Акимов аҕатын уонна ийэтин аатынан мемориальнай дуосканы, уулуссаны уонна дьиэ кэргэн түмэлин үөрүүлээх түгэҥҥэ арыйдылар.
Ыал амарах аҕата Константин Тимофеевич Акимов үйэтин тухары төрөөбүт дойдутугар, тапталлаах Күүкэйигэр олорбута, үлэлээбитэ, айбыта-туппута үгүс. Үлэни-хамнаһы сатабыллаахтык тэрийэн дойду сайдыытыгар олугу уурбута, аата-суола дорҕоонноохтук ааттанарын туһугар үлэлээбитэ.
Норуот тапталын, ытыктабылын ылан солбуллубат сололоох «Көстөкүүн биригэдьиир» диэн ааты иҥэрбиттэрэ. Оттон ыал истиҥ ийэтэ Дария Ефимовна Акимова кыра сааһыттан араас күүстээх үлэҕэ эриллэн үлэни-үөрэҕи таптыыр, өрө тутар дьиҥнээх Далбар хотун этэ. Өр кэмҥэ нэһилиэк пиэрмэтигэр сэбиэдиссэйинэн үлэлээбитэ, биэс оҕону төрөтөн, иитэн-такайан үтүө мааны дьон буола улааталларын ситиспитэ.
Маннык үтүө дьону чиэстиир, үйэтитэр тэрээһиҥҥэ оҕолоро, ол иһигэр Александр Константинович, улуус баһылыга Анатолий Григорьев уонна бииргэ үлэлээбит үөлээннээхтэрэ, олохтоохтор көхтөөх кыттыыны ыллылар. Үгүс үтүө тылларын анаан, алгыс тылларын сыалаан саҥа эбийиэктэр үйэлэргэ үүнэр көлүөнэҕэ холобур буола туралларыгар баҕардылар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…