“СӨ ОДьКХ” ГУП Сунтаар улууһунааҕы филиалын Күүкэйдээҕи учаастагын электросварщига Шмидт Шмидтович Егоров 28 сыл бу сэдэх идэҕэ үлэлээтэ. Кини таһаарыылаах үлэтин бүгүн СӨ Ил Дархана Айсен Николаев үрдүктүк сыаналаан, Үлэ сылынан олохтоммут Ил Дархан бириэмийэтин туттарда. Бүгүн маннык бириэмийэни араас салааҕа үлэлиир 50 киһи ылла.
— Биһиги нэһилиэкпит улуус кииниттэн 89 км тэйиччи сытар. Күүкэйдээҕи учаастакпыт кыстыкка өрүү бэлэмнээх киирэргэ дьулуһар. Ол иһин быйыл даҕаны бэлэмнээх көрсөммүт туох да улахан харгыстары көрсүбэккэ туораан эрэбит. Бэйэм электросварщиктыырым таһынан силиэсэр үлэтин эбии толоробун. Үлэм сүрдээх эппиэтинэстээх дии саныыбын. Мотуор эҥин умайар түгэнэ, оһох тэстиитэ таҕыста даҕаны уталыппакка туоратыахтааххын. Хайаан да саппаас тэрил баар буоларыгар эрдэттэн кыһанабыт. Эдэр үлэһиттэргэ куруук сүбэлии-амалыы сатыыбыт. Учаастакпыт начаалынньыгынан Роберт Робертович Колесов таһаарыылаахтык үлэлиир. Учаастакпытыгар 13-пүт. Үлэ сылыгар Ил Дархаммыт бириэмийэтигэр мин кандидатурабын улуустааҕы хомунаалынай хаһаайыстыба тэрилтэтэ (дир. М.Ю.Петров) түһэрбитин иһин махтанабын. Бииргэ үлэлиир кэлэктииппэр эмиэ. Учаастакпытыгар бары даҕаны үлэҕэ дэгиттэр буоларга кыһаллабыт. Кэргэним уһуйааҥҥа үлэлиир, кыыспыт быйыл оскуоланы бүтэрээри эмиэ биир эппиэттээх кэмҥэ сылдьар, — диэн санаатын үллэһиннэ бастыҥ үлэһит Шмидт Егоров.
Хаартыска: Мария Васильева (СИА), ГУП “СӨ ОДьКХ” пресс-сулууспата
“Ежевика тымырдары бөҕөргөтөр кыахтаах. Састаабыгар С битэмиини уонна антиоксиданнары булуохха сөп”, - диэн диетолог, терапевт-быраас…
Халлаан тымныйан, биһиги курдук дьон дьиэҕэ хаайтарар кэммит кэллэ. Хаарыан өрөбүлүм таах хаалаары гынна, сырдык…
Түүл туһунан тугу билэбитий? Киһи түүлүн 90 бырыһыанын умнар уонна 10 бырыһыанын эрэ өйдөөн хаалар.…
Бүгүн кэпсэтэр байыаһым Аҕа дойду көмүскэлин ытык иэһинэн ааҕар Үөһээ Бүлүүттэн төрүттээх “Боха” диэн позывнойдаах…
Байанай – баай хара тыа иччитэ, ойуур, көтөр-сүүрэр таҥарата. Кинини былыргы сахалар олус үөрүнньэҥ, кэһии…
Сылбыт элэҥнээн ааһа охсон, номнуо бүтэһик ый – ахсынньы үүннэ. Саҥа сылга диэри ыйы кыайбат…