Хаартыска: Биология ресурсатын дириэксийэтэ
АЛРОСА 2023-2026 сылларга кыыл таба харыстабылыгар аналлаах бырайыагы олоххо киллэрэр туһунан Биология ресурсаларын, Саха сирин ураты харыстанар сирдэрин уонна айылҕа пааркаларын дириэксийэтин кытары сөбүлэһиигэ илии баттаата.
Кыыл табаны харыстааһынынан Биология ресурсаларын, Саха сирин ураты харыстанар сирдэрин уонна айылҕа пааркаларын дириэксийэтэ тэрийбит “Запад” анал этэрээт салгыы дьарыктанар. Этэрээт табалар күргүөмнээн көһүүлэрин кэмигэр сокуону кэһэн бултааһыны тохтотор, кыыл табалары учуоттуур уонна мониторинг ыытар, бөдөҥ сиэмэх кыыллар ахсааннарын чопчулуур.
Бырайыак түмүгүнэн, Саха сирин кыыл табаларын аныгы туруктарыгар сыанабыл оҥоһуллуоҕа. Онно олоҕуран хотугу сир кыыл табаларын (туундара популяцията) харыстабылыгар тэрээһиннэр ыытыллыахтара.
АЛРОСА хампаанньа 2019 сылтан “Запад” анал этэрээт тэрээһиннэрин үбүлүүр. Бу кэм устатыгар иһитиннэрэр-быһаарар үлэҕэ, эриэйдэлэри өйүүргэ, иниспиэктэрдэри наадалаах тэриллэринэн сэбилииргэ, билим-чинчийэр үлэтигэр араас элбэх бырайыак олоххо киирдэ.
Саха сирин алмаастаах хампаанньата өрөспүүбүлүкэ аҕыйах ахсааннаах төрүт норуоттарын олохторун-дьаһахтарын өйүүр туһугар хотугу сир кыыл табатын харыстабылыгар өр кэмнэргэ бииргэ үлэлиир санаалаах.
АЛРОСА пресс-сулууспата
ХОЙ Туохха барытыгар санааны уурдахха ситиһии кэлэрин өйдөөҥҥүн, туттумахтаан хаалыаххын наада. Үлэҕинэн үрдүүргэр табыгастаах кэмнэр. Тус…
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…
Ыам ыйын 19 күнүгэр Дьокуускай куорат олохтоохторо «ЗаБег.РФ» Бүтүн Арассыыйааҕы полумарафоҥҥа кыттыахтарын сөп. Тэрээһин күнүс…
ИДьМ 2 №-дээх полициятын оперативниктара киин куоракка рестораны уоттуу сатаабыт 33 саастаах дьахтар буоларын быһаардылар.…
СӨ Дьарыктаах буолууга судаарыстыбаннай кэмитиэтэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим…
РФ Бэрэсидьиэнэ Владимир Путин КНӨ бэрэссэдээтэлэ Си Цзиньпин ыҥырыытынан Кытай Норуодунай Өрөспүүбүлүкэҕэ икки күннээх судаарыстыбаннай…