Кыыл Уолун баай нэһилиэстибэтин чинчийэллэр

Сергей Зверев-Кыыл Уолун үбүлүөйдээх 125 сылыгар араас таһымнаах тэрээһиннэр буола тураллар. Бүгүн Дьокуускайга бүтүн Арассыыйатааҕы научнай кэмпириэнсийэ саҕаланна.

Айар илбистээх сүдү киһи кэлэр көлүөнэҕэ хаалларбыт баай нэһилиэстибэтин, олорон ааспыт олоҕун үөрэтэр, чинчийэр дьон элбэх. Аныгы кэми кытта тэҥҥэ тутан научнай үлэлэр сурулуннулар.

Бүгүҥҥү конференцияҕа ХИФУ уонна  да атын чинчийэр институттар профессордара, учуонайдара киэҥ далааһыннаах, анаарыылаах дакылааттары аахтылар. Манна Сергей Афанасьевич төрөппүт оҕолоро Төгүл Зверев уонна Варвара Зверева кыттыыны ыллылар. Улуус баһылыга Анатолий Григорьев конференция кыттыылаахтарын эҕэрдэлээтэ, Кыыл Уолун албан аатын үйэтитиигэ тус этиилэри киллэрдэ.

Сунтаар улууһун дьаһалтатын пресс-сулууспата