Суол – олох хорук тымыра, быйыл да, былыр да – тыын боппуруос. Биһиги улууспут Бүлүү Эбэ уҥуор түөлбэлээн олорор Бастакы, Иккис Күүлэт, Тылгыны, Үгүлээт нэһилиэктэр үйэ тухары айаннарын суола күһүн, саас быстан, элбэх эрэйи көрсөн кэллилэр.
Бэҕэһээ бу түөлбэлэр олохторугар кэрэ-бэлиэ түгэн буолла. Ол курдук, Дьыыппа уонна Дьабыдах үрэхтэри туоруур муосталары уонна Дьабыдах муостатыттан салгыы барар 7,5 километр уһуннаах 5 категориялаах кытаанах бүрүөһүннээх суолу арыйар өрөгөйдөөх, күүтүүлээх күннэрэ үүннэ.
Муоста тутуутун туһунан былаан 2013 сыллаахха ылыллыбыта. Онтон 2014 сыллаахтан сайын аайы понтуон муоста туруорулла сылдьыбыта. 2021 сыллаахха улуус Дьыыппа үрэххэ муоста тутуутугар өрөспүүбүлүкэтээҕи куонкуруска кыттан, субсидия ылары ситиспитэ уонна «Сахаспецмонтаж – 95» хааччахтаммыт эппиэтинэстээх тэрилтэни кытта хантараакка илии баттаһан сыл иһигэр тутуллан бүттэ.
Муоста 67,4 м уһуннаах, киирии уонна тахсыы суолун кытта уопсайа 600 м улахан тутуу буолар. Үбүлээһинэ барыта 132,0 мөл. солк. Ол иһигэр 90,0 мөл. өрөспүүбүлүкэтээҕи суол фондатын субсидията, 42,0 мөл.солк. – улуус бүддьүөтүттэн.
Дьабыдах муостата 38,0 м усталаах, киирии уонна тахсыы суолун кытта уопсайа 467 м эмиэ улахан тутуу буолар.
Дьабыдах муостатыттан салгыы барар 7,5 км усталаах 5 категориялаах кытаанах бүрүөһүннээх суолу «Монтаж сервис» хааччахтаммыт эппиэтинэстээх тэрилтэ тутта.
Дьабыдах муоста уонна суол тутуутун үбүлээһинигэр улуус бүддьүөтүттэн барыта 248,0 мөл. солк., ол иһигэр муостаҕа 77,0 мөл. солк., суолга 171,0 мөл. солк. көрүллэн тутуу барда.
Онон уопсайа 380 мөл. солк. суумалаах баараҕай тутуулар үлэлэрэ бириэмэтигэр бүтэн, Күүлэт түөлбэтигэр олорор олохтоохторго өрөгөй күнэ үүннэ.
«Ыра санаабыт туолан олоххо киирбитинэн үөрүүбүт муҥура суох. Ыраах сиргэ айанньыттар суоллара чэпчээн, аартык арыллыбытынан, муоста тутуутун үбүлээбит өрөспүүбүлүкэбит уонна улууспут салалтатыгар уонна тутааччыларбытыгар өссө төгүл ис сүрэхтэн барҕа махталбытын тиэрдэбит!” – диэн бэйэлэрин баҕа санааларын тиэртилэр Күүлэт түөлбэтигэр сытар нэһилиэктэр аҕа баһылыктара.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …