Хаартыска: Надежда Корнилова.
Ыам ыйын 9 күнэ – Арассыыйа бары олохтоохторугар дириҥ өйдөбүллээх ытык күн. Бу күн сүһүөхтээх бэйэбит сүгүрүйэн туран дойдуну өстөөхтөн босхолообут кыайыылаах көлүөнэҕэ дириҥ махталбытын тириэрдэбит!
Ыам ыйын 8 күнүгэр Дьокуускай куоракка олорор биир дойдулаахтарбытыгар — тыыл бэтэрээннэригэр анаан Улуу Кыайыы 79 сыллаах бырааһынньыгынан «Кыайыы күнэ» аахсыйаны тэрийэн, Өлүөхүмэ улууһун Кыыллаах нэһилиэгиттэн төрүттээхтэр «Сомоҕо» түмсүүтүн аатыттан сэмэй бэлэхпитин туттардыбыт. Биһигини ытык-мааны саастаах дьоммут көрүстүлэр: тыыл, үлэ, Аҕа дойду Улуу сэриитин, педагогическай үлэ бэтэрээнэ, Кыыллаах нэһилиэгин бочуоттаах гражданина 95 саастаах Парасковья Семеновна Григорьева (Тимофеева); тыыл, үлэ, Аҕа дойду Улуу сэриитин бэтэрээнэ, ССРС доруобуйатын харыстабылын туйгуна, 94 саастаах Татьяна Афанасьевна Федорова (Корнилова); тыыл, үлэ бэтэрээнэ, Саха Өрөспүүбүлүкэтин үтүөлээх бырааһа, Саха Өрөспүүбүлүкэтин доруобуйатын харыстабылын туйгуна, Саха сирин бастакы эндокринолог бырааһа, Өлүөхүмэ улууһун бочуоттаах гражданина 91 саастаах Анна Афанасьевна Корнилова; тыыл, үлэ бэтэрээнэ, Майа сэлиэнньэтин бочуоттаах олохтооҕо, Мэҥэ Хаҥалас улууһун потребкооперациятын бэтэрээнэ, 91 саастаах Валентина Игнатьевна Попова (Грязнухина).
«Кыайыы күнэ» аахсыйаҕа кыттыбыт биир дойдулаахтарбытыгар, биир сомоҕо күүс-көмө буолбуккутугар махтанабыт. Аахсыйаҕа Хаҥалас, Нам, Мэҥэ Хаҥалас, Уус Алдан, Горнай улуустарыгар, Тулагы, Хатас сэлиэнньэлэригэр уонна Дьокуускай куоракка олорор биир дойдулаахтарбыт кытыннылар. Бэйэлэрин кылааттарын киллэрбит Өлүөхүмэ улууһун «Түмсүү» биир дойдулаахтарын түмсүүтүгэр эмиэ махтал тылларын тириэрдэбит.
Күндү тыыл уонна үлэ бэтэрээннэрэ, сэрии кэмин оҕолоро! Эһигини Улуу Кыайыы 79 сыллаах өрөгөйдөөх бырааһынньыгынан итиитик-истиҥник эҕэрдэлиибит, эйэлээх олохпут иһин эһиэхэ барҕа махтал тылларын этэбит, күндү дьоммутугар баҕарабыт саха алмааһыныы кытаанах доруобуйаны, чөл туругу, уһун дьоллоох олоҕу уонна этэҥҥэ буолууну! Биһиги эһигинэн киэн туттабыт, эһиэхэ сүгүрүйэбит! Улуу Кыайыы күнүнэн!
Надежда КОРНИЛОВА, Кыыллаах Арыыттан төрүттээхтэр «Сомоҕо» түмсүүтүн салайааччыта.
ИДьМ Алдан оройуонун полиция отделын участковайдара бырамыысыланнай тэрилтэҕэ үлэҕэ киирээри сымыйа докумуоннары туһаныы икки түбэлтэтэ…
Байыаннай дьайыы кыттыылааҕа Игорь Марсунов от ыйын 10-14 күннэригэр Южно-Сахалинскай куоракка УИФУо бэтэрээннэрин ортотугар ыытыллар…
Бүгүн Нерюнгри куорат аэропордугар Гавриил Иосифович Чиряев аатын иҥэриигэ туһуламмыт үөрүүлээх тэрээһин буолла. Санатан эттэххэ,…
Култуура, духуобунай сайдыы миниистирэ Афанасий Ноев Олоҥхо ыһыаҕар бэлэмнэнии туһунан санаатын үллэһиннэ: - От ыйын…
Биһиги эрэллээх ааҕааччыбыт, уопсастыбаннай кэрэспэдьиэммит, суруйааччы Иннокентий Попов-Оҕуруоттаах үгүс сылларга бэлиэтии көрөр түгэннэринэн, күн-дьыл туругун…
«Дальний Восток – Земля приключений» куонкурус дьүүллүүр сүбэтэ Уһук Илин уокуругар уонна Арктическай зона эрэгийиэннэригэр…