Хаартыска: Өлүөхүмэтээҕи волонтердар кииннэрэ.
Өлүөхүмэ улууһун Кыыллаах нэһилиэгин дьаһалтатын гуманитарнай көмөлөөх массыыната дойдуну тилийэ айаннаан РФ Тиихэй акыйаан флотун муораҕа пехотатын Жуков аатынан 155-с туспа биригээдэтигэр тиийдэ. Маннык массыыналар иҥнигэһэ суох сылдьалларынан, элбэх киһи батарынан, байыастары, көмө малы, аһы-үөлү таһарга байыаннай эпэрээссийэ инники күөнүгэр ордук ирдэнэр.
Бу туһунан Өлүөхүмэ улууһун волонтерскай киинэ телеграмҥа ханаалыгар суруйар. Нэһилиэк баһылыга Александр Макаров уонна суоппардар Дмитрий Митимов, Михаил Кельбинов маннык кэпсииллэр:
— Өлүөхүмэ куораттан Доннааҕы Ростовка диэри 10 күн айаннаатыбыт. Суолбут былаһын тухары, дьон байыаннай эпэрээссийэ тиэмэтигэр сыһыарыылаах (наклейка) толору таһаҕас тиэммит массыынаҕа чуагаһаан хайа диэки баран иһэрбитин ыйыталаһаллар, босхо көмөлөһөн, ким эрэ фруктанан күндүлээн, көлүөһэ өрөмүөнээччилэр көлүөһэбитин босхо оҥорон, айаммыт быдан чэпчээтэ.
Доннааҕы Ростовка сылдьар кэммитигэр байыастар сайаапкаларынан эбии көмө атыыластыбыт, 50 тыһ. солк. кээмэйдээх туһааннаах өйөбүллэрин иһин Михаил Узоровка (“Теплотехника” ХЭУо), Ил Түмэн дьокутаата Алексей Колодезниковка махталбытын биллэрэбит.
УАЗ мирко-оптуобус Кыыллаах уонна Даппарай сэлиэнньэтин олохтоохторо, онтон төрүттээхтэр атыыласпыт -35-45 кыраадыс тымныыга кэтиллэр 50-тан тахса устуука сылаас саппыкынан, “Тээнэ” КРО тиксэрбит таба тириитинэн, Чапаево сэлиэнньэтиттэн уонна Өлүөхүмэ куораттан тиксэрбит маскировочнай сиэккэлэринэн, элбэх малынан-салынан уонна аадырыстаан ыыппыт баһыылкаларынан туолбута.
155-с биригээдэттэн биир дойдулаахтарбыт көмө оҥорбут дьоҥҥо барыларыгар махтал тылларын тириэрдэллэр.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…