Женни Стрюкова хаартыската
Булчут күнүн иитинэн, бүгүн Дьокуускайга А.Е.Кулаковскай аатынан Култуура киинигэр сонун быыстапка үөрүүлээх аһыллыыта буолла.
Быыстапка аһыллыытынан СӨ экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы Джулустан Хон, Москваттан ыҥырыллан кэлбит эспиэр Александр Михнюк, Саха сиринээҕи булчуттар уонна балыксыттар уопсастыбаларын бэрэссэдээтэлэ Закира Иванова уо.д.а. Саха сирин булчуттарын, таксидермистарын эҕэрдэлээтилэр.
Быыстапкаҕа кытта Нам улууһуттан чуучалалары оҥоруунан дьарыктанар дьиэ кэргэн кэрэхсэбиллээх үлэлэрин дьон сэргээтэ. Ол курдук, Федоровтар дьиэ кэргэн булт тиэмэтинэн үлүһүйүүлэрин дьон сэҥээрдэ. Уоллара Рустам Леонидович оҥорбут кыыллара, кырачаан бараахтар, халба, эгэлгэ чаҕылхай өҥнөөх хоту эрэ кэлэр мандаринка кус… киһи көрдөр көрүөн курдук.
Ыраах Дьааҥыттан булт иниспиэктэрэ аҕата урут бултаабыт бэдэрин тириитин кэриэс мал курдук кичэллик харайан илдьэ сылдьара сөхтөрдө. Былырыын бултаммыт бүүчээнин бэйэтэ оҥорбут.
Ити курдук, быыстапкаҕа киһи кэрэхсиирэ үгүс.
Субуота — Сатурн планета салайар күнэ. Онон бу күн ыксааһыны сөбүлээбэт. Бүгүн саҕаламмыт дьыала уһун…
Ахсынньы 19 күнүгэр сарсыарда Аллараа Бэстээх уонна Төҥүлү икки ардынааҕы суолга дьон өлүүлээх суол быһылаана…
Бүгүн, ахсынньы 29 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
Саха сирин синоптиктарын сабаҕалааһыннарынан бүгүн, ахсынньы 20 күнүгэр хоту хаардыыр, Арктика кытылынан уонна Халымаҕа хаар…
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…