Кыыс илиитин ытырбыт Депутатскай олохтооҕо сууттанна

Усуйаана оройуоннааҕы суута Аллайыаха олохтооҕун РФ ХК 116.1 ыст. 1 ч. олоҕуран, буруйдааҕынан аахта.

Эр киһи, урут да дьону охсуолаабытынан (РФ КОаП 6.1.1 ыст.) административнай эппиэккэ тардылла сылдьыбыт, итирик туруктаах сылдьан эмсэҕэлээччини кытта иирсэн баран, этигэр-сиинигэр ыарыылаах дьайыыны оҥорбут. Бэйэлэрин икки ардыларынааҕы сыһыаны быһаарса туран, эдэр киһи кыыһы уҥа илиитин бэгэччэгин ытырбыт.

Суукка эр киһи буруйун толору билиннэ.

Накаастабылы аныырыгар суут буруйу чэпчэтэр хаачыстыбалары учуоттаата: буруйун толору билиниини, кэмсиниини, олорор сириттэн үчүгэй характеристикалааҕын, эдэр саастааҕын, арыгытын эмтэтэргэ үтүө көҥүлүнэн сөбүлэспитин, буруйу ыаратар атын биричиинэлэр көстүбэтилэр.

Бириигэбэр быһыытынан эдэр киһи 120 чаас болдьохтоох кыһалаҥ үлэнэн накаастанна.

Гражданскай үҥсүү киирбэтэ.

Бириигэбэр сокуоннай күүһүгэр киирэ илик, диэн иһитиннэрэр СӨ сууттарын холбоһуктаах пресс-сулууспата.