Кыыс оҕо, дьахтар харысхалын туомнара

Саха ыалын-сиэрэ-туома. Маны билэҕит, истибиккит дуо?

Өбүгэлэрбит кыыс оҕо төрөөтөҕүнэ, абааһыттан уонна куһаҕан дьайтан харыстаан, биһик анныгар эмэх маһы уураллара. Сорох дьон бу маһы оһох аттыгар ыйыыллара.

Дьон оҕолорун араас харысхал тылы туттан иитэллэр. Ол курдук, оҕо икки сааһын туолан, ону-маны өйдүүр буолла да, «оһоххо силлээмэ», «уһуктааҕынан оонньоомо» диэн этэллэр.

Оҕо биэс сааһыгар диэри улахан киһини кытта мээнэ кэпсэтиэ-ипсэтиэ суохтаах. Тэҥҥэ саҥарар-иҥэрэр, кэпсэтиигэ мэһэйдэһэр буоллаҕына, улахан киһи куһаҕан дьайа сыстар. Кыыс оҕо дьиэ иһигэр часкыйыа суохтаах, араас хаһыыга-ыһыыга абааһы үөрэн тиийэн кэлэр.

Дьахтар ас астыырыгар, оҕотун суулууругар баттаҕын хомунуохтаах эбэтэр былаатынан төбөтүн бааныахтаах.

Афанасий Федоров «Саха ыалын сиэрэ-туома» кинигэтиттэн

«Айар» кинигэ кыһата, 2025 с.