Кыыс оҕо, дьахтар харысхалын туомнарыттан

Саха ыалын сиэрэ-туома.

Кыыс оҕо, дьахтар харысхалын туомнарыттан салгыы таһаарабыт. Маны көрүҥ.

Таһырдьа оонньуу сылдьан, ыраах сылдьан ыалдьыт иһэрин көрдөҕүнэ, дьиэҕэ сүүрэн киирэн хоһугар саҥата-иҥэтэ суох олоруохтаах. Ол кыыс симик майгытын, ис киирбэҕин көрдөрөр уонна кыыс оҕону туора харахтан харыстааһын буолар.

Кыыс далаһа тумсугар күлүгүн көрүнүө суохтаах, уу иччитэ өһүргэнэн бэйэтигэр тардан ылыан сөп. Көрүнүөн баҕардаҕына, ыаҕаска уу баһан көрүнүөхтээх. Кыыс оҕо ынаҕын сирэйгэ охсуо суохтаах, хотон иччитэ хомойор.

Дьиэ таһыгар тыҥырахтаах кыыл кэлэн түстэҕинэ, кыыс оҕо илиитинэн кириэс тутар уонна түргэнник куотан дьиэтигэр киириэхтээх. Өскөтүн иннигэр-кэннигэр холорук кэлэр түгэнигэр, мас сыыһынан эбэтэр тарбахтарынан холорукка утары эмиэ кириэс оҥоруохтаах.

Кыыс оҕо, дьахтар харысхалын туомнарын туһунан https://sakha-sire.ru/kyys-ogo-dahtar-haryshalyn-tuomnara/ манна көрүҥ.

Афанасий Федоров «Саха ыалын сиэрэ-туома» кинигэтиттэн (2025 с.)

«Айар» кинигэ кыһата