Хаартыска: М.Васильева (СИА)
Атырдьах ыйын 14 күнүн сарсыардатыгар Дьокуускай куорат эмиэ буруонан бүрүлүннэ. Ааспыт бэнидиэнньиктэн буруо Дьокуускай куоракка уонна куорат чугаһынааҕы нэһилиэктэргэ турбут буоллаҕына, билигин Киин, Илин эҥээр уонна Бүлүү бөлөх улуустарга буруо эмиэ баара бэлиэтэннэ.
Метеорологтар чахчыларынан, салгыҥҥа буортулаах эттик таһыма нуорманы куоһарбыт, өссө күүһүрэрэ сабаҕаланар.
СӨ бырабыыталыстыбатын бэрэссэдээтэлин бастакы солбуйааччы Дмитрий Садовников иһитиннэрбитинэн, күүстээх буруо Амур уобалаһыгар, Хабаровскай кыраайга уонна Саха сирин соҕуруу-илиҥҥи өттүгэр буола турар ойуур баһаардарын кытта сибээстээх.
Күүстээх буруо салгын ааллара көтөллөрүгэр мэһэйи үөскэттэ. Ол курдук, “Якутия” авиахампаанньа рейстэригэр харгыстар таҕыстылар. Москваттан көтөн кэлиэхтээх 466 рейс – Нерюнгрига, Санкт Петербуртан кэлэр 468 рейс Хабаровскайга түһэргэ күһэлиннилэр. Ону сэргэ, Дьокуускайтан Мииринэйгэ, Москваҕа, Новосибирскайга көтүөхтээх рейстэр эмиэ тардылыннылар.
Оттон Өлүөнэни туоруур поруомнар сырыылара айаны харгыстыы илик.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…