“СӨ баһылыгын кубога” – 2023 с. Арассыыйа кубогын бастакы түһүмэҕэ Саха сиригэр ыытылларынан бэйэтин эҕэрдэтин “АЛРОСА” АХ генеральнай дириэктэрэ – хампаанньа бырабылыанньатын бэрэссэдээтэлэ Сергей Иванов тириэртэ.
-Саахымат күрэхтэһиилэрин ытыктабыллаах кыттааччылара, ыалдьааччылара уонна саахыматы сөбүлээччилэр!
Алмааһы хостуур АЛРОСА хас эмэ тыһыынчанан ахсааннаах кэлэктиибин аатыттан саахымакка “СӨ баһылыгын кубогынан” – 2023 с. Арассыыйа кубогын бастакы түһүмэҕинэн эҕэрдэлиибин.
Саахымакка бүтүн Арассыыйатааҕы күрэхтэһиилэр быйыл Саха сиригэр саҕаланаллара кэрэхсэбиллээх. Манна өйү-санааны сайыннарар успуорт көрүҥэр ураты сыһыан баар, кэнники сылларга өрөспүүбүлүкэҕэ саахымат сайдыыта саҥа хаачыстыбалаах таһымҥа таҕыста.
Биһиги бу кэрэхсэбиллээх оонньуу устуоруйатыгар саҥа страницалар сибидиэтэллэрэ буоларбытынан киэн туттарбытын сэргэ, төрөөбүт өрөспүүбүлүкэбитигэр саахымат сайдыытын өйөөн, бу хамсааһыҥҥа кыттар кыахтаахпыт.
АЛРОСА Саха сирин саахымакка федерациятын бэлиэ түгэннэригэр, үгэс курдук, бииргэ үлэлэһэр. 2021 сыл биһиэхэ өрөспүүбүлүкэҕэ оҕо саахыматын актыыба аан дойдутааҕы гроссмейстер Сергей Карякинныын көрсүһүүлэринэн умнуллубат. 2022 сылга биһиги саахымакка өрөспүүбүлүкэтээҕи III кэнгириэһи өйөөбүппүт. Ол иһин, быйыл Арассыыйа Кубогын түһүмэҕин Саха сирэ бастакынан көрсөрүттэн олус үөрэбит.
Саахымат, алмааһы кырыылыыр кэриэтэ, киһи өйүн сытыы, тобуллаҕас оҥорор. Саахыматтыыр талааннаахтары өйөөн уонна саҥаттан саҥа ааттары арыйан, биһиги инники кэскилбитигэр кылааппытын киллэрэбит.
Күрэхтэһиилэр бары кыттыылаахтарыгар чаҕылхай хаамыылары уонна комбинациялары баҕарабыт. Күүстээхтэн күүстээх кыайдын!
Ааспыт өрөбүллэргэ Дьокуускайга 22 суол саахала буолбута бэлиэтэммит, онно үс киһи эмсэҕэлээбит. Бу туһунан киин…
«Воин» киин уонна Саха Өрөспүүбүлүкэтин Бырабыыталыстыбата балаҕан ыйын 15-21 күннэригэр ыытыллар «Путь воина» байыаннай-тактическай күрэхтэһиилэр…
Дьокуускайга 23 саастаах таксыыһы туттулар. Эдэр киһи полиция үлэһиттэриттэн куота сатаабыт. Бу туһунан СӨ ИДьМ…
Саха сирин олохтоохторо улуустар уонна нэһилиэктэр баһылыктарын, итиэннэ оройуон уонна нэһилиэк дьокутааттарын таллылар. "Улуус баһылыктарынан…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Биир дойдулаахпыт 17 саастаах Артур Портнягин НТВ ханаалыгар «Ты супер!» биэриигэ ыллаата. Дьүүллүүр сүбэ --…