Арассыыйа салгынын тырааныспарын туйгуна, «За безаварийный налет 11 часов» бэлиэ кавалера, 11 сыл устата Сунтаар аэропуордун салайааччытынан үлэлээбит Аркадий Михайлов — Лүөччүк Аркадий аатын үйэтитиигэ үлэ барар.
Ол курдук бэҕэһээ тэрилтэ төрүттэммитэ 85 сылыгар анаан, аэропуорт тулаһатыгар хараллан турар Ан-2 сөмөлүөккэ кини аатын иҥэрдилэр. Бу сөмөлүөтү Аркадий Николаевич көҕүлээһининэн, 2008 сыллаахха Ньурбаттан аҕалан туруорбуттара. Ыһыллан турбут көтөр аалы хоһуттан таҥан, саҥардан, билигин аэропуорт көстүүтүн тупсаран, ситэрэн-хоторон турар.
Үөрүүлээх тэрээһиҥҥэ кини төрөппүт кыыһа Елена Михайлова, аэропорт үлэһиттэрэ, бэтэрээн үлэһиттэр уонна Аркадий Николаевич аймах-билэ дьоно кыттыыны ыллылар. Улуус баһылыгын социальнай боппуруостарга уонна имиджевай бэлиитикэҕэ солбуйааччы Мирослав Иванов эҕэрдэтин эттэ, үйэтитиигэ үлэлиир тэрилтэҕэ махтал суругу туттарда. Сунтаар улууһугар бастакынан лүөччүк идэтин баһылаабыт Аркадий Михайлов улуус дьонун сөмөлүөтүнэн таһан, авиалесоохрана тэрилтэтин кытта ыкса үлэлээн аэропуорт сайдыытыгар сүҥкэн кылаатын киллэрбитэ. Кини идэтигэр олус бэриниилээҕинэн, эппит тылыгар турарынан, сыалын ситиһэринэн дьоҥҥо-сэргэҕэ ытыктанар, сыаналанар киһи этэ. Онон кини аата-суола үйэтитиллэрэ улахан суолталаах уонна долгутуулаах.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…