Хаартыска: Марианна Сивцева тиксэриитэ.
Соторутааҕыта Сииттэ нэһилиэгэр киэҥ Лаабыда эбэҕэ өрөспүүбүлүкэ таһымнаах улахан муҥха буолан ааста.
Муҥха хайдах ааспытын, кимнээх ыалдьыттаабыттарын туһунан А.В.Аргунов аатынан Норуот айымньытын, култууратын дьиэтин дириэктэрэ Марианна Сивцева иһитиннэрэр:
«Кыһын Саха сириттэн саҕаланар» бэстибээл чэрчитинэн Лаабыда эбэбитигэр тойон муҥха буолан ааста. Алгысчыт Роман Игнатьевич Попов кэлбит ыалдьыттары арчылаан, эбэбит көмүс хатырыктааҕыттан өлгөмнүк бэрсэригэр көрдөһөн-ааттаһан, арыылаах алаадьынан, үрүҥ илгэнэн айах тутта. Олохтоох дьаһалта баһылыга Семен Тимофеев быһаарыытынан, түөрт муҥханы кэпсэтэн киллэртэрбит. Биир күннээх үлэ түмүгүнэн балтараа туонна көмүс хатырыктааҕы Күөх Боллох күндүлээтэ, ону бука-бары астына-дуоһуйа, үөрэ-көтө үллэһиннибит.
Муҥха тэрээһинин барытын дьаһайбыт биригэдьииргэ Николай Винокуровка, элбэх балыгы бэрсэрин туһугар эбэҕэ туоннаны үктээбит Василий Гороховка, муҥхалаах хаһаайыттарга Евгения Ноговицынаҕа, Василий Гороховка, Алексей Уваровскайга, Дмитрий Павловка олохтоох дьон махтанабыт.
Бу улахан тэрээһиҥҥэ Сииттэ сиэдэрэй сиригэр ыҥырыылаах ыалдьыттарынан сырыттылар. 35 миэстэлээх оҕо уһуйаанын тутааччылар “Моя Якутия в 21 веке” бырагыраама салайааччыта Алексей Петров уонна бэдэрээтчит Николай Теплоухов, олохтоох салайыныы департаменыттан Федот Варламов салайааччылаах 9 киһи кэлэн муҥхалаатылар. Муҥхаҕа барыта холбоон 200-чэкэ киһи кыттыыны ылла. Саха дьоно хаһан баҕарар, ханна баҕарар ыалдьытымсахпытынан биллэбит, ыалдьыттарга бырааһынньыктааҕы остуол тардан чэйдэттибит, атах тэпсэн олорон ирэ-хоро кэпсэттибит. Кэлбит дьон саҥа уһуйаан тутуллар миэстэтин көрдүлэр, үөрэттилэр. Онон табылыннаҕына, кулун тутар, муус устар ыйдарга бастакы сыбаайа түһүө диэн эрэннэрдилэр.
Бу күннэргэ Олоҥхо дэкээдэтинэн сибээстээн В.Г. Белинскэй аатынан Кыраайы үөрэтэр бибилэтиэкэ «Саха сирин кэлэксийэниэдэрэ" түмсүүнү кытта холбоһон…
Анал байыаннай дьайыы 626 кыттыылааҕа уонна кинилэр дьиэ кэргэттэрэ квотанан үлэ буллулар. Бу туһунан Дьарыктаах…
Аллайыаха улууһун Быйаҥныыр нэһилиэгин сиригэр-уотугар бөрөлөр билиннилэр. Бу адьырҕалар сылгыларга кутталы үөскэтэллэр. Онон тыа хаһаайыстыбатыгар…
«Саха» национальнай көрдөрөр-иһитиннэрэр хампаанньа «Тэтим — Саха араадьыйата» аныгы сайдыылаах олох хардыытынан бары сыыппара былаһааккаларыгар…
Кэбээйитээҕи участковай балыыһа кэлэктиибэ (кылаабынай быраас З.С. Полятинская) нэһилиэккэ биир көхтөөх тэрилтэнэн биллэр. [gallery ids="172276,172277,172278"]…
Дойдубут аҕа баһылыга Владимир Путин Успуорт сайдыытын сэбиэтин мунньаҕын түмүгүнэн 2025 сылтан “Земскэй тириэньэр” федеральнай…