Хаартыска: 100якутия.рф
«Дальний Восток — Земля приключений» куонкурус ыытылла турар. Саха сирин ураты сирдэригэр сылдьан, күүлэйдээн баран, хаартыскаҕа, видеоҕа устан, бу куонкуруска кыттыахха сөп. Биир оннук ураты кэрэ сиринэн Лабыҥкыр күөлэ буолар.
Лабыҥкыр күөлэ Өймөкөөн улууһугар баар. 14,3 килэмиэтир уһуннаах уонна 4 килэмиэтир кэтиттээх. Дириҥэ ортотунан 52,6 миэтэрэ. Күөл түгэҕэр олус дириҥ хайа барыы баар — онон 80 миэтэрэҕэ диэри дириҥиир. Сабаҕалааһын быһыытынан, күөл сир аннынааҕы уулары кытта ситимнэһэр. Кыһын 50 кыраадыс тымныыга күөл уута олус бытааннык тоҥор, учуонайдар ол төрүөтүн быһаара иликтэр.
Олохтоохтор Лабыҥкырга улахан биллибэт кыыл баар дииллэр. Кыылларга, бэл, тайахтар уулуу турдахтарына саба түһэр уонна ууга соһор диэн кэпсииллэр.
2005 сыллаахха «Искатели» биэрии эспэдииссийэ оҥоро сылдьыбыта, күөл түгэҕэр улахан кыыллар уҥуохтарын булбуттара.
Бу куонкуруска кыайбыт киһи 3 мөлүйүөн солкуобайы, 2-с миэстэлээх — 300 тыһыынча солкуобайы, 3-с миэстэлээх — 100 тыһыынча солкуобайы ылыахтара.
Сиһилии путешественникдв.рф саайтка ааҕыахха сөп. Куонкурус бэрэсидьиэн боломуочуйалаах бэрэстэбиитэлэ Юрий Трутнев көҕүлээһининэн тэриллэр.
Мииринэй куорат 60 саастаах олохтооҕо түөрт киһини өлөрөн сууттанна. Бу туһунан СӨ Борокуратуурата иһитиннэрэр. 2023…
Хомсомуол үгүс көлүөнэ ыччакка эдэр саастарын аргыһа буолан, сыллар аастахтарын аайы күндүтүйэн иһэр өйдөбүл. …
— Оҕом Казахстаҥҥа төлөбүрдээх үөрэххэ киирбитэ. Онно нолуок вычетын хайдах төннөрүөххэ сөбүй? Төрөппүт ыйытыытыгар Арассыыйа ФНС…
Сэтинньи 6 күнүгэр үлэ бэтэрээнэ, СӨ култууратын үтүөлээх үлэһитэ, Тыл билимин хандьыдаата, Арассыыйа Бэдэрээссийэтин Билимин…
Норуоттар сомоҕолоһууларын күнүн көрсө, сэтинньи 2 күнүгэр “Арассыыйа – мин устуоруйам” түмэлгэ “Этнография улахан дьыктааныгар”…
Быйылгы кыстыкка Мэҥэ Хаҥалас улууһун “Тарат” кэпэрэтиибэ 64 тиҥэһэни атын хаһаайыстыбалартан атыыласта. Ол курдук, Бүлүүттэн…