Хаартыска: ЯСИА
219 №-дээх УБХ быыбардыыр хамыыһыйата иһитиннэрбитинэн, Кэбээйи улууһун Ламыҥха нэһилиэгин баһылыгын болдьоҕун иннинээҕи быыбарыгар 284 быыбардааччы кыттыбыт (58,2%).
Куоластааһын түмүктэнэригэр быыбардааччылар испииһэктэригэр 488 быыбардааччы баара.
Бүлүтүөҥҥэ икки хандьыдаат киллэриллибитэ. Барыллаан көрүүнэн, куоластааһын маннык барбыт:
Елена Константиновна Кейметинова, 1989 сыллаах төрүөх, үрдүк үөрэхтээх, Ламыҥха эбээн национальнай нэһилиэгин баһылыгын э.т., бэйэтин туруоруммут. Кини 137 куолаһы, ол эбэтэр быыбарга кыттыбыт дьонтон 48,24% ылбыт.
Таисия Васильевна Кейметинова, 1960 сыллаах төрүөх, үрдүк үөрэхтээх, биэнсийэлээх, бэйэтин туруоруммут. Киниэхэ 146 куолаһы биэрбиттэр, ол эбэтэр быыбарга кыттыбыт дьонтон 51,41% ылбыт.
Итинэн Таисия Васильевна Кейметинова Кэбээйи улууһун Ламыҥха эбээн национальнай нэһилиэгин баһылыгын быыбарыгар кыайда.
Куоластааһыны хандьыдааттарынан анаммыт кэтээн көрөөччүлэр уонна СӨ Уопсастыбаннай палаатата хонтуруоллаатылар. Быыбардыыр хамыыһыйаларга билиҥҥи быыбар сокуонун кэһии туһунан үҥсүү киирбэтэҕэ. Куоластааһын быыбар бары сокуонун ирдэбиллэрин кытаанахтык тутуһан ыытылынна, диэн иһитиннэрэр СӨ Быыбар киин хамыыһыйатын тг-ханаала.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…