Лариса Атласова-Алыптаах: «Эрэнэ күүтэбит ол дьоллоох күммүтүн»

Куонкуруспут  26-с кыттааччыта Хаҥалас Өктөмүттэн Лариса Атласова-Алыптаах:

Эрэнэ күүтэбит ол дьоллоох күммүтүн

Сир Ийэ үрдүнэн ыар ынчык иһиллэр,

Сырдыга көстүбэт хараҥа сабардыыр,

Хаарыаннаах эр дьоммут хомуурга бардылар,

Хара дьай утары кэккэлии турдулар.

Итэҕэй, дьылҕа хаан уунуоҕа көмөтүн,

Инники сылдьарга анаммыт буойуҥҥа,

Дойдутун, норуотун көмүскүү туруммут,

Дохсуннук киирсэргэ санаммыт уолаҥҥа.

Эргиллэн кэлиэххит кыайыыны уһансан,

Эрэнэ күүтэбит ол дьоллоох күммүтүн,

Эйэлээх олохпут ырыатын ыллыахпыт,

Эйэҕэс эҕэрдэ эргиччи этиэхпит.

Өстөөхтөн самныбат саргылаах эр дьоммут,

Өрөгөй тойугун туойаҥҥыт үөрдүөххүт,

Эстибэт эрчими күөрэччи тутаҥҥыт,

Эһэлэр килбиэннээх суолларын салҕыаххыт!