Лариса Троева «Пятница» ханаалга «Самородки» биэриигэ кытынна

Арассыыйа рекордарын кинигэтин хас да төгүллээх лауреата, ураты жанр артыыһа Лариса Троева «Пятница» теле-ханаалга «Самородки» биэриигэ кытынна.

Биэриигэ  ураты талааннаах дьоннор кытталлар. Кыттааччылар туох  дьоҕурдаахтарын   Наташа Королёва уонна  Регина Тодоренко  таайаллар.

Лариса Троеваны кытары сибээстэһэ сылдьыбыппытыгар: «Бу иллэрээ сыллааҕыта «Мосфильм»  павильонугар ыҥыран уһулбуттара. Быйыл  Сочига баттахпынан трюк оҥоруохтаахпын», — диэн инники былаанын туһунан эттэ.