«Ледовые гонки-2025» күрэх бастакы түһүмэҕэр Росгвардия бэрэстэбиитэлэ бастаата

Ааспыт өрөбүлгэ Дьокуускайга Белай Озераҕа сылын ахсын ыытыллар «Ледовые гонки-2025» мууһунан айан-сырыы күрэхтэһии бастакы түһүмэҕэ буолан ааста.

Экстремальнай усулуобуйаҕа маастарыстыбаларын уонна хорсун быһыыларын 24 кыттааччы мустан көрдөрдө. Кыттааччылар ортолоругар Росгвардия бэрэстэбиитэлэ — полиция капитана Евгений Остроухов кытынна.

Евгений «СТК Автогруппа» хамаанда састаабыгар «ВАЗ 2114» массыына уруулугар олорон кииристэ. Кыттааччылар массыыналарынан 5 сырыыга 4 эргимтэни оҥордулар, оттон кыайыылаах дистанцияҕа бастыҥ бириэмэ түмүгүнэн быһаарылынна. Полиция капитана Евгений Остроухов күрэхтэһиигэ бастакы миэстэни ылан чаҕылхай көрдөрүүлэннэ.

Полиция капитана Евгений Остроухов муус үрдүнэн тырааныспарынан күрэхтэһиилэргэ 2012 сылтан кыттар, ол устата автоуспуорка маастарыстыба үрдүк таһымын көрдөрөр. Кини кыайыыта Росгвардия үлэһиттэригэр успуорт тыынын чаҕылхай холобурунан буолар, диэн Росгвардия пресс-сулууспата иһитиннэрэр. Биир идэлээхтэрэ Евгений Остроухову кыайыынан эҕэрдэлииллэр уонна да атын ситиһиилэри баҕараллар.