Легкоатлет Айаал Сивцев аан дойду чөмпүйэнээтигэр кыттыаҕа

Саха сирин сүүмэрдэммит хамаандатын лиидэрэ Айаал Сивцев чэпчэки атлетикаҕа (ПОДА) аан дойду чөмпүйэнээтигэр кыттыаҕа. Бу күрэхтэһии балаҕан ыйын 26 күнүттэн алтынньы 5 күнүгэр диэри Нью-Дели куоракка ыытыллыаҕа диэн Сүүмэрдэммит хамаандалары бэлэмниир өрөспүүбүлүкэтээҕи киин иһитиннэрэр.

Арассыыйа 13 төгүллээх чөмпүйүөнэ Айаал Сивцев манна кыттар кыахтанна. Балаҕан ыйын 30 күнүгэр Индияҕа дьаадыраны анньыыга, алтынньы 5 күнүгэр үҥүүнү быраҕыыга күрэхтэһиэҕэ.

Айаал Сивцев көрдөрүүлэринэн аан дойду күүстээх спортсменнарын иһигэр киирэр.