Лөкөчөөҥҥө – саҥа хотон

Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол үөрүүлээх сиэригэр-туомугар үгүс киһи мустубут.

Бүлүү улууһун тыа хаһаайыстыбатын управлениетын начаалынньыга Павел Иннокентьев этэринэн, саҥа хотон 122 төбө турарыгар анаммыт, аныгылыы ирдэбилгэ сөп түбэһэр тутуунан буолар. Хотону туттарарыгар бааһынай хаһаайыстыба бэйэтин үбүн таһынан 4 мөл солк. улуус үбүлээбит. Өрөспүүбүлүкэ бүддьүөтүттэн 18,28 мөл солк. угуллубут. Онон уопсайа 40 мөл тахса суумалаах тутуу буолбут.

Бу 2003 с. тэриллибит  бааһынай хаһаайыстыба ааҕан-суотаан ыытар үлэтин түмүгэр эттэн, үүттэн араас аһы оҥорон, нэһилиэнньэни хааччыйар.

Кыстыкка саҥа хотонноммут хаһаайыстыба үлэтэ өссө тахсыылаах буолуоҕа диэн эрэнэллэр.

Хаартысканы: П.Иннокентьев ыытта