Салгыы
Лөкөчөөннөр байыаннай дьайыыга аһынан көмөлөһөллөр

Лөкөчөөннөр байыаннай дьайыыга аһынан көмөлөһөллөр

16.01.2025, 21:00
Хаартыска видеоттан скриннэннэ
Бөлөххө киир:

Бу күннэргэ Бүлүү улуһуун Лөкөчөөн нэһилиэгин олохтоохторо бэйэлэрэ бултаабыт кустарын, куобахтарын, балыктарын, о.д.а. төрүт астарын  байыаннай  дьайыыга сылдьар уонна госпиталларга сытар уолаттарга анаан хомуйдулар.

Уопсайа икки куул куһу, куул аҥаара мас көтөрүн уонна түөрт хааһы, куобах хомуйан Дьокуускай куоракка аҕалан Светлана уонна Владислав Диодоровтарга-Лаврентьевтарга туттардылар. Салгыы Светлана Диодорова-Лаврентьева бу кустары АГАТУ технологическай факультетын кытта устудьуоннар практикаларыгар үргүүллэрин, астыылларын курдук кэпсэтиэ. Устудьуоннар бу кустары порцияларынан тус-туспа суулаан ыытыахтара.

Астаммыт ас Москва, Санкт-Петербург, Ростов волонтердарыгар тиийдэҕинэ, кинилэр тута астаан госпиталларга сытар уолаттарга илдьиэхтэрэ.

«Госпиталга сытар уолаттар ас иһэрин эрдэттэн билбит буолаллар, кус, сироп, ас кэлбит үһү, эһиэхэ тиийдэ дуо диэннэр бэйэ-бэйэлэриттэн ыйыталаһаллар эбит. Төрөөбүт астара кинилэргэ битэмиин курдук буолар. Госпиталга сытар уолаттарбыт наһаа элбэхтэр, ол иһин бу маннык дойдуларын аһын аһаан, иҥэринэн күүс-сэниэ эбинэллэр, үтүөрэллэр. Уолаттар баһыылка, ас кэлэрин наһаа кэтэһэллэр. Бүлүү улууһун Лөкөчөөнүн булчуттарыгар махтал, эҕэрдэ тылын ыытабыт. Баай Байанайгыт тосхойо тудун!», — диэн Владислав Диодоров-Лаврентьев  кэпсиир.

+1
14
+1
1
+1
0
+1
0
+1
0
+1
1
+1
1
Бары сонуннар
Салгыы
8 февраля
  • -39°C
  • Ощущается: -46°Влажность: 67% Скорость ветра: 2 м/с

Сообщить об опечатке

Текст, который будет отправлен нашим редакторам: