Лена Афанасьева: «Бэрэсиэдьиэн көхтөөх олоҕу уһатыы соруктарын быһаарарга хайысха биэрдэ»

СӨ доруобуйа харыстабылын миниистирэ Лена Афанасьева дойду бэрэсидьиэнэ Владимир Путин Федеральнай мунньахха этиитэ стратегическай суолталааҕын бэлиэтээтэ.

«Биһигини чугастааҕы сылларга туох күүтэрин туһунан кэпсэтии таҕыста. Бэрэсидьиэн кэккэ саҥа национальнай бырайыактары, бырагыраамалары уонна соруктары мээнэҕэ эппэтэ. Дьоһуннаах түгэннэри дойду доруобуйатын харыстабыла эмиэ күүтэр, манна инники былааҥҥа демография уонна норуот доруобуйатын харыстааһын боппуруостара киирэллэр. Ити сорукка өссө биир национальнай бырайыак -– «Уһун уонна көхтөөх олох» киирэр. Владимир Путин Арассыыйа нэһилиэнньэтин олоҕун уһатыы боппуруоһун быһаарарга хайысха биэрдэ. Од эбэтэр 2030 сылга Арассыыйаҕа олох уһуна 78 сылтан кыччааабатын, онтон инникитин 80+ тиийэрин курдук», -– диэтэ Лена Афанасьева.