Лена Афанасьева: «Ыарыыта сытыырхайар кутталлаах дьоҥҥо төлөпүөнүнэн эрийэн билсэллэр»

Дьокуускайга уонна кэккэ улуустарга ойуур баһаарыттан кэлэр күүстээх буруонан уонна  салгыҥҥа буортулаах эттик таһыма нуорманы куоһарбытынан, СӨ доруобуйа харыстабылын миниистирэ Лена Афанасьева сэрэтэр дьаһаллары ылынар туһунан брифиҥҥэ иһитиннэрдэ.

Лена Афанасьева иһитиннэрбитинэн, мэдиссиинэ бары  тэрилтэлэрэ тустаах көмөнү оҥороллор, ыарыылара сытыырхайар кутталлаах бөлөх дьонун туругун төлөпүөнүнэн эрийэн билсэллэр.

Саха сирин доруобуйаҕа харыстыбалын министиэристибэтэ маннык быраабылалары тутуһарга сүбэлиир:

-Сарсыарда эрдэ таһырдьа өр сылдьартан туттунуҥ;

-таһырдьаттан салгын киирэр сирдэрин сииктээх таҥаһынан сабыҥ, таҥаһы сотору-сотору уларытыҥ, буруо күүһүрэр кэмигэр көмүскэнэр маасканы сиигирдэ-сиигирдэ кэтиҥ;

-олорор уонна үлэлиир сиргитин сотору-сотору сииктээх таҥаһынан сото сылдьыҥ;

-салгын сиигин күүһүрдэр туһугар уулаах иһиттэри уурар туһалаах;

-оҕолор уонна оҕо күүтэр ийэлэр таһырдьа өр сылдьыбаттара ордук;

— табаҕы, арыгы кээмэйин муҥутаан аҕыйатыҥ;

— ууну элбэҕи иһиҥ.

БЫҺААРЫЫ:

2023 сылга баһаар куттала саҕаланар кэмиттэн  ыла мэдиссиинэ өҥөтүгэр наадыйдылар (атырдьах ыйын 11 күнүнээҕи туругунан):

42 киһи – буруоттан сылтаан;

13 киһи – тыынар уорган ыарыытыттан;

15 киһи – хаан эргиирин ыарыытыттан;

14 киһи – мэдиссиинэ суһал көмөтүгэр наадыйан.