Хаартыска РФ ИДьМ Амурдааҕы управлениетын сайтыттан ылылынна
Амур уобалаһын ИДьМ полициятын үлэһиттэрэ Сковородино муниципальнай уокурукка бэҕэһээ киэһэ тахсыбыт суол быһылаана туохтан тахсыбытын быһаараллар.
Амур уобалаһын ИДьМ полициятын үлэһиттэрэ Сковородино муниципальнай уокурукка бэҕэһээ киэһэ тахсыбыт суол быһылаана туохтан тахсыбытын быһаараллар. Бэҕэһээ, балаҕан ыйын 20 күнүгэр, киэһэ 22:00 ч. саҕана Амурскай уобалас Сковородино муниципальнай уокуругун «Лена» айан суолун 8 км «Тойота Лит Айс Ноах» массыына икки «Вольво» таһаҕаһы тиэйэр ыарахан уйуктаах массыыналары кытары харсыһан улахан суол саахала таҕыста. Бу туһунан Амур уобалаһын ИДьМ пресс-сулууспата иһитиннэрэр.
Барыллаан быһаарыынан 1978 с.т. «Тойота Лит Айс Ноах» массыына суоппара утары иһэр таһаҕаһы таһар улахан массыынаны, ол кэнниттэн хаҥас диэки туораан эрэр таһаҕас массыыналарынааҕар улахан кыамталаах тягач массыынаны кытары харсыспыт.
Суол быһылаанын түмүгэр «Тойота Лит Айс Ноах» массыынаҕа олорсон испит биэс киһи тута өлбүттэр, алтыс киһи суһал көмө массыынатынан айаннаан иһэн тыына быстыбыт, суоппар балыыһаҕа киирбит.
Полиция үлэһиттэрэ быһылаан тахсыбыт биричиинэтин уонна быһыытын-майгытын быһаараллар. Амур уобалаһын Сэлиэстийэлиир кэмитиэтэ РФ ХК 264 ыст. 5 ч. Холуобунай дьыала (Суолга айаннааһын уонна тырааныспары ыытыы бараабылатын кэһэн, сэрэҕэ суох буолууттан, икки уонна онтон элбэх киһи өлүүтүгэр тириэрдии) тэрийбит.
Аmur.life суруйарынан, суол саахалыгар өлбүт дьон Саха сирин олохтоохторо, 1978, 1963, 1989 уонна икки киһи 1956 сыллаах төрүөхтэр. Массыына Саха сириттэн Улан Удэҕэ айаннаан испит.
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…
Бу күннэргэ өбүгэ ньыматынан сахалыы эмтиир Виктор Кривошапкин үбүлүөйдээх 65 сааһын бэрт уратытык бэлиэтээтэ. Сахалыы…
Индигиир өрүс алдьатыылаах халаанын кэнниттэн Өймөкөөн улууһун нэһилиэктэригэр чөлүгэр түһэрии үлэтэ тэтимнээхтик бара турар. Улууска…