«Лена» федеральнай суолга саахал түмүгэр биир киһи өлбүт

Тохсунньу 23 күнүгэр сарсыарда 11:40 чаас саҕана «Лена» А-360 федеральнай суол 435-с км киһи өлүүлээх суол саахала тахсыбыт.

Нерюнгритааҕы ГАИ сулууспата иһитиннэрэринэн, 1965 с.т. суоппар «Renault Kaptur» массыынанан Алдантан Нерюнгри диэки айаннаан иһэн, сөптөөх түргэни тутуспакка, утары  суолга тахсан биэрбит. Ол түмүгэр, Нерюнгриттан Алдан диэки утары иһэр 1995 с.т. суоппардаах «Toyota Land Cruiser Prado» массыынаны кытта харсыспыт. Саахал түмүгэр «Renault Kaptur» суоппара суһал көмө биригээдэтэ кэлиэн иннинэ быһылаан буолбут сиригэр тыына быстыбыт. Суол быһылаанын бары туоһулара чопчуланаллар, силиэстийэлиир бөлөх үлэлиир.