1986 сыллаахха Саха сирин нэһилиэнньэтэ мөлүйүөн ахсааны ситиһэ сылдьыбыта. 1985 сыл сэтинньи 8 күнүгэр мөлүйүөн ахсааннаах оҕо төрөөбүтэ. 21-с үйэ саҥатыгар көһөн барыы элбээн, нэһилиэнньэ ахсаана лаппа көҕүрээбитэ. Онтон нэһилиэнньэ ахсаана сыыйа элбээн иһиитэ өрөспүүбүлүкэ ыытар демографическай бэлиитикэтэ сөптөөҕүн көрдөрөр.
2021 сыл кулун тутар 31 күнүнээҕи 1782 №-дээх ыйааҕынан Ил Дархан Айсен Николаев 2021-2030 сыллары Доруобуйа 10 сылынан биллэрбитэ. Ситимнээх демографическай бэлиитикэ ыытыллыбытын түмүгүнэн, Саха сирэ Арассыыйаҕа демографическай көрдөрүүлэринэн биир бастыҥнар истэригэр сылдьар, Уһук Илиҥҥэ — бастакы. Киһи олоҕун орто уһуна 72,7 сыл буолла.
Ийэ буолуу уонна оҕо төрөөһүнүн, доруобуйатын боппуруостара судаарыстыбаннай бэлиитикэ биир сүрүн олуктара буолаллар. Ханнык баҕарар улуустан дьахталлар Дьокуускайга икки Перинатальнай кииҥҥэ үрдүк технологиялаах мэдиссиинэ көмөтүн ылар кыахтаахтар. 2018 сылтан кыра оҕо өлүүтүн 24,3 бырыһыан намтаттыбыт. Хаһан да буола илик намыһах көрдөрүү ситиһилиннэ — 1000 оҕоҕо 3,8 түбэлтэ.
2023 сыл тохсунньутуттан бэс ыйыгар диэри 4471 оҕо төрөөтө (былырыын баччаларга — 4397 оҕо). Төрөөһүн көрдөрүүтэ 10,8 буолла.
Мөлүйүөн ахсааннаах кыыс 2023 сыл бэс ыйын 23 күнүгэр 2 чаас 49 мүнүүтэҕэ М.Е. Николаев аатынан Национальнай мэдиссиинэ киинин Перинатальнай киинигэр төрөөтө. Ийэтэ Арина Александровна 37 саастаах, бу кини иккис оҕото. Кыысчаан улахан ыйааһыннааҕын иһин Мииринэйтэн куоракка ыыппыттара.
Оҕо төрөөһүнэ акушердар эрэ үлэлэрэ буолбатах, оройуоннааҕы киин уонна куораттааҕы балыыһалар кэлэктииптэрин бүттүүн үлэлэрин түмүгэ буолар.
Өрөспүүбүлүкэ бары мэдиссиинискэй үлэһиттэрин аатыттан мөлүйүөннээх олохтоохпутугар кытаанах доруобуйаны, дьоллоох олоҕу баҕарабыт! Төрөппүттэргэр үөрүүнү, дьолу эрэ бэлэхтиир дьоһун, үтүө киһи буола улаат!
Ил Дархан, бырабыыталыстыба дьаһалтатын пресс-сулууспата
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…