Дьокуускайга Ленин аатынан болуоссакка хапытаалынай өрөмүөн балаҕан ыйын ортотуттан саҕаламмыта.
Онон, атырдьах ыйын бүтүүтэ бэдэрээтчит “Сэттэ” тутар хампаанньаны кытта хантараак түһэрсиллибит. Хапытаалынай өрөмүөнү ыытыы сакаасчытынан СӨ Ил Дарханын иһинэн Архитектураҕа уонна куораты тутууга управлениета буолбут. Дизайн-бырайыагын “Якутпроект” ААУо оҥорбут. Бырайыактааччылар ирбэт тоҥ уратытын, сирин араҥатын учуоттаан оҥорбуттар.
Болуоссаты саҥардан оҥорууга туох киирбитий? Бастатан туран, көҕөрдүү ыытыллыаҕа, тротуары тэлгэтии, сэргэ быһыылаах 13 миэтэрэлээх колонналары туруоруу уо.д.а. ыытыллыахтаах.
Сынньалаҥ зоната хайдах буолуохтааҕый диэн үгүс киһи интэриэһиргээбитэ. Бу сынньалаҥ зоната былаан быһыытынан күөҕүнэн чэлгийиэхтээх, газон хонуулаах буолуохтаах.
Тротуары тэлгэтиигэ (мощение) граниты уонна араас билииккэлэри туһаныахтара. Итини худуоһунньук Туяра Шапошникова эскиһинэн ууруохтара.
Сэргэлэр болуоссат икки өттүнэн туруоруллуохтаахтар эбит. Ити конструкция өссө уотунан сырдатыллыахтаах. Өрөмүөн үлэтин быйыл күһүн түмүктүөхтээхтэр.
Саҥа дьыл эрэ иннинэ “Якутия24” биэриигэ СӨ Ил Дарханын иһинэн Архитектураҕа уонна куораты тутууга управлениетын салайааччыта Любовь Папок кыттан, бу стратегическай докумуоҥҥа — маастар-былааҥҥа олоҕуран оҥоһулла сылдьар болуоссат туһунан эмиэ ахтан аһарбытын дьон сэргээбитэ. Любовь Александровна этэринэн, 25 куораты тупсаҕай оҥорууга туһуламмыт маастар-былааннары оҥорорго дойду бэрэсидьиэнэ Владимир Путин сорудахтаабыт эбит. Кэрэхсэбиллээҕэ диэн Ил Дархан Айсен Николаев В.Путиҥҥа Дьокуускай уонна Нерюнгри маастар-былааннарын билиһиннэрбит.
Любовь Папок этэринэн, 2024 сылга 24 уопсастыбаннай эйгэни оҥорон киллэрии соруга турар. Олор истэригэр киэҥ хабааннаах 3 эйгэ киирэр – Ленин болуоссата, Сайсары кытыла, Роман Дмитриевка анаммыт кытыллар. Түмүгэр салайааччы “Куорат тупсаҕай эйгэтин оҥоруу” федеральнай бырагыраама уонна “1000 тиэргэн” федеральнай бырайыагы Саха сирин олохтоохторо биһирээбиттэрин уонна бу хайысхаларынан үлэ ыытылларын бэлиэтээбитэ. Онон болуоссаппыт оҥоһуллан бүтэрин бары эрэнэ кэтэһэбит.
Сылын ахсын ыытыллар ыам ыйын 9 күнүгэр Аҕа дойду Улуу сэриитин Кыайыытын уһансыбыт буойуттар ааттарын…
– Хапытаалынай өрөмүөҥҥэ иэстээхтэри кытта хайдах үлэлэһэҕит? Суукка ыытаҕыт дуу? С.Алексеева. “СӨ Элбэх кыбартыыралаах дьиэлэри…
Саха сириттэн чэпчэки атлетикаҕа спортсменка Алена Татаринова Татарстааҥҥа ыытыллыбыт Арассыыйа чөмпүйэнээтигэр марафоҥҥа иккис миэстэни ылла.…
Ыам ыйын 6 күнүгэр Татарстаан өрөспүүбүлүкэтин киинигэр Казань куоракка «Казань оһуордара» оҕо уонна ыччат айар…
Бу күннэргэ оҕуруоччуттарга эппиэттээх кэм саҕаланна. Өлгөм үүнүүлээх оҕуруот аһын ылары ситиһэргэ кэмигэр уонна хаачыстыбалаах…
Михаил Мишустин Госдуумаҕа дойду бырабыыталыстыбатын бэрэссэдээтэлин солбуйааччыларын уонна федеральнай миниистирдэр дуоһунастарыгар кандидатуралары бигэргэтэргэ испииһэги киллэрдэ.…