Ленин болуоссатын саҥардан оҥоруу үлэтэ саҕаланыа

Дьокуускайга Ленин болуоссатын саҥардан оҥоруу  балаҕан ыйын 18 күнүттэн саҕаланыахтаах.

Бу туһунан «LETO» куорат эйгэтин боппуруостарыгар компетенциялар киинэ  иһитиннэрдэ.

Саҥардан оҥоруу  дизайн-бырайыагын  «Якутпроект» ААУо оҥорбута. Саҥардыллыбыт  болуоссакка элбэх  үүнээйи, тааһынан таҥыллыбыт ыллыктар, фонтан уонна 13 миэтэрэлээх сэргэлэр баар буолуохтара.