Хаартыска: Мария Васильева, СИА
Дьокуускайга Ленин болуоссатын саҥардыы сүрүн үлэлэрэ түмүктэннилэр.
Эбийиэк бэлэмэ — 70%. Исписэлиистэр 12 сэргэни бүрүйүү үлэтин саҕалаатылар диэн СИА суруйар.
«Билигин билиитэлэри ууруу ыытыллар, фонтаҥҥа гранит тааһы ууру былааннанар. Бары инженернэй үлэлэр түмүктэннилэр. Эбийиэк тэхиниичэскэй уонна архитектурнай былаанынан олус уустук. Ленин аатынан болуоссат биһиги куораппытыгар биир бэлиэ миэстэтинэн буолуоҕа. Барыта 50-тан тахса киһи үлэҕэ тардылынна», — диэн Саха сирин Бырабыыталыстыбатын бэрэссэдээтэлэ Кирилл Бычков кэпсээтэ.
Саха сирин кылаабынай архитектора Любовь Папок этэринэн, билигин фонтаны холбуур үлэлэр ыытыллаллар. Эбийиэги оҥорууга Саха сирин ураты килиимэтэ учуоттаммыта.
«Ленин болуоссатыгар хантараак алтынньы 15 күнүгэр диэри түһэрсиллибит. Хайдах да балаһыанньаҕа биһиги үлэбитин бастакы тымныылар түһүөхтэрин диэри бүтэриэхтээхпит. Сүрүн үлэлэр түмүктэннилэр, билигин буор таһаллар. Болуоссакка 12 сэргэни туруордулар, исписэлиистэр сэргэлэри бүрүйэр үлэлэргэ киирдилэр. Билигин фонтаны холбуур үлэлэр ыытыллаллар. Кыстыкка бэлэмнэнэн, сотору кэминэн түмүктүөхтэрэ. Маннык фонтан Курашов аатынан уулуссаҕа баар», — диэн Любовь Папок кэпсээтэ.
Санатан эттэххэ, сэргэлэри ураты уоттаах-күөстээх оҥоруохтара. Иллюминацията инникитин бырааһынньык күннэригэр холбонор буолуоҕа.
"Пушкин каартатын" көмөтүнэн, тыһыынчанан оҕо култуура тэрилтэлэригэр сылдьар, кэрэҕэ кыттыһар кыахтаннылар. "Пушкин каартата" култуура, дьиэ…
2025 сылга уоппускаҕа барарга саамай табыгастаах ыйдарынан от ыйа уонна алтынньы буолаллар. Бу туһунан РИА-Сонуннарга…
2024 сыл тохсунньу 6-7 күннэригэр КНР Цицикар куоратыгар 4-с норуоттар икки ардыларынааҕы «Снежный журавль» бэстибээл-күрэс…
РФ Бырабыыталыстыбатыгар 2042 сылга диэри дойду энэргиэтикэҕэ эбийиэктэрин генеральнай схематын бигэргэттилэр. Докумуоҥҥа чуолаан РФ Судаарыстыбаннай…
Түөкүттэр оҕону да албынныылларын кэрэйбэттэр. Харчы харбаан ылар туһуттан тугунан барытынан олуйаллар-моһуйаллар. ИДьМ 2 №-дээх…
Дьокуускай куорат киинигэр, Чернышевскай уулуссатыгар 12 этээстээх аныгы гостиница тутуллуоҕа. Бу туһунан Ил Дархан "РИК"…