Хаартыска: Ил Дархан, бырабыыталыстыба пресс-сулууспата.
Былааннаммыт өрөмүөн үлэтин бүтэһик түһүмэҕин чэрчитинэн, бу күннэргэ Ленин пааматынньыга турар постаменыттан уһуллуоҕа. Билиитэлэрин туруорбуттарын кэннэ, пааматынньык оннугар төннөрүллүөҕэ. Оччотугар реставратордар кыра алҕастары көннөрөн, гранит билиитэлэрин ыраастыыр үлэни салгыахтара. Бу туһунан куорат эбийиэктэрин тутууга управление салайааччыта Вячеслав Нестеров иһитиннэрдэ.
Санатан эттэххэ, пааматынньыгы саҥардыы үлэтэ матырыйааллар алдьаныыларыттан наада буолбута.
“Пааматынньык турар тутула ирбэт тоҥ усулуобуйатыгар туруктаах буоларын курдук, бөҕөргөтүллүбүтэ. Урут пааматынньык лиэнтэлээх акылаакка турар буоллаҕына, билигин түөрт модун сыбаайаҕа тирэнэр. Пьедесталга уонна тирэхтэригэр гранит билиитэлэри сыһыарыы түмүктэннэ. Реставрация үлэтин технологията ирдииринэн, Ленин пааматынньыгын быстах кэмҥэ ылан кэбиһиллиэхтээх, ону нэдиэлэ иһигэр туруоруохпут», — диэн «Уран» дизайн-устуудьуйа генеральнай дириэктэрэ Вячеслав Яроев эттэ.
Саҥардыы үлэтин түмүктээбиттэрин кэннэ, «Сэттэ» хампаанньа пааматынньык аттыгар баар сири-уоту тупсарыыны саҕалыаҕа.
Ленин боруонса пааматынньыга эрэгийиэннээҕи суолталаах култуурунай нэһилиэстибэ буолар. 1967 сыллаахха тохсунньу 25 күнүгэр аһыллыбыта. Пааматынньыгы туруоруу 10 сыл устата барбыта – 1957 сылтан 1967 сылга диэри. Ааптардарынан скульптор Ю. Д. Стручков уонна архитектордар Н.Н. Миловидов, С.С. Ожегов буолаллар. Пааматынньык уопсай үрдүгэ 14,6 м, постамент үрдүгэ 8,5 м, скульптура үрдүгэ 6 м.
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…