Хаартыскаҕа Андрей Сорокин түһэриитэ, СИА
Дьокуускай куорат Ленин проспегын өрөмүөнэ быйыл күһүн үлэҕэ киирэрэ былааннанар. Киин куорат сүрүн уулууссата сабыллан турар буолан тырааныспар сырыытыгар улахан харгыстар тахсаллар. Онон куорат олохтоохторун даҕаны, ыалдьыттары даҕаны өрөмүөн үлэ хаһан бүтэрэ улаханнык долгутар.
Ленин проспегын өрөмүөнэ сотору кэминэн түмүктэнэн, суол аһыллан, уулуссаларынан быһа сырыы хааччыллыа диэн бүгүн Ил Дархан Айсен Николаев «Саха» НКИХ ханаалыгар эттэ.
«Миигиттэн элбэх киһи киин куорат Ленин проспега хаһан бэлэм буоларый, өрөмүөнэ бүтэрий диэн ыйытар. Билигин өрөмүөн үлэтэ күүстээхтик бара турар. 1,7 млрд солк. аҥардас Ленин проспегын өрөмүөнүгэр көрүллэн турар, онтон 1,2 млрд солк. өрөспүүбүлүкэ үбүлээһинэ, 300-һэ федеральнай, 200-һэ куорат. Бу үп көдьүүстээхтик туһаныллыахтаах, проспект өр сылларга хаачыстыбалаахтык сулууспалыахтаах», — диэн Ил Дархан эттэ.
Ааспыт сылга суол өрөмүөнүн хаачыстыбатын мөлтөҕүн туһунан элбэх киһи сөбүлээбэтин биллэрбитэ. Ил Дархан Айсен Николаев Дьокуускай куорат салалтатыгар уонна суолу оҥорооччуларга маннык сыыһаны төрдүттэн даҕаны таһыаарыа суохтаахтарыгар сэмэлээһини оҥорбутун кэннниттэн, быйыл ону көннөрөр үлэ барар.
Онон аны күнүн балаҕан ыйыгар суол үлэҕэ киирэрэ былаананар, ол кэннэ салгыы тупсарыы үлэтэ барыа диэн Ил Дархан бэлиэтээн эттэ.
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…