Ленин проспегар баһаарга эмсэҕэлээбит киһи балыыһаҕа сытан өлбүтэ билиннэ

Алтынньы 27 күнүгэр Дьокуускай куоракка Ленин проспегын 3/1 дьиэтигэр киһи өлүүлээх, хас да киһи эчэйиилээх улахан баһаар тахсан, үгүс киһини аймаабыта. 

Доруобуйа харыстабылын министиэристибэтин пресс-сулууспата бэҕэһээ иһитиннэрбитинэн,  баһаарга улахан эчэйиини ылан реанимацияҕа сыппыт биир киһи  алтынньы  29 күнүгэр  күнүс 14.45 чааска тыына  быстыбыт. Билиҥҥитэ балыыһаҕа өссө түөрт киһи сытар.