Ленин проспегын суола хаһан аһыллыай?

Дьокуускайга Ленин проспега хаһан аһылларын бары да кэтэһэ сылдьабыт.

Дьэ, хаһан  күүтүүлээх суолбут аһыллыай? Бу туһунан «Главстрой» МКУ салайааччыта Алексей Варламов иһитиннэрэр:

— Алтынньы 22 күнүнээҕи туругунан, генеральнай бэдэрээччит «Дорстрой» ХЭУо  тэрилтэ  Кулаковскай уулуссатыттан  Орджоникидзе болуоссатыгар диэри айанныыр сүрүн суолунан сатыы ааһар дьон  туоруулларыгар светофордары, суол бэлиэлэрин туруоруу уо.д.а. тиэхиньиичэскэй үлэни ыыта сылдьар. Бэлисэпиэт ааһар суола бэлэм.

Кулаковскай уулуссатыттан Орджоникидзе болуоссатыгар диэри Ленин проспегынан ааһар суол сэтинньи 20 күнүттэн аһыллара былааннанар.

СИА хаартыската.