Хаартыска И.М. Слепцов тиксэриитэ
Бэҕэһээ Ленинград куораты фашистскай блокадаттан толору босхолооһун күнүгэр анаан Дьокуускай куорат 13-с №-дээх оскуолатын 6-11 кылааһын үөрэнээччилэригэр «Эр санаа уруога» буолан ааста.
«МИР» тыйаатыр устуудьуйатын уһуйуллааччылара (сал. Молонова А.С.) Ленинград блокадатын түгэннэрин көрдөрөр, киһи дууһатын долгутар, испэктээги туруордулар. Кинилэр толоруулара биһиги историябыт бу дьулаан кэми, ааспыт көлүөнэ дьон хорсун санааларын уонна тулуурдарын итэҕтиилээхтик көрдөрдүлэр.
«МИР» оскуола тыйаатыра уһуйуллааччылара «Суоппар туһунан» уонна «Биһиги ленинградецтар», Вероника Болдакова «Мин мэтээлим» Агафья Семенова «Армия» хоһооннору дорҕоонноохтук аахтылар. Музыка учуутала К.С. Иннокентьева, үөрэнээччилэр «Ленинград уолаттара» ырыаны толордулар. «Ленинград блокадатын подвигыгар аналлаах» диэн ааттаах быыстапка эмиэ тэриллибит. «Ленинград блокадата» диэн ааттаах кылаас уруоктара билиҥҥи көлүөнэ оччотооҕу түгэннэри дириҥник өйдүүрүгэр туһуланнылар.
Ленинград блокадата 872 күн устата, 1941 сыл сэтинньититтэн 1944 сыл атырдьах ыйыгар диэри барбыта. Ленинграды фашистскай блокадаттан босхолооһун, бүтүн дойдуга улахан суолталаах. Бу күн фашизмы кыайыы уонна эйэлээх олоххо эрэли төнүннэрии бэлиэтинэн буолбута.
«Билиҥҥи көлүөнэ ол кэми, блокадаҕа тыыннаах хаалбыттары, босхоломмут куораты чөлүгэр түһэрии күүстээх үлэтин өйдүөх тустаахпыт. Бүгүн, блокадаттан тыыннаах хаалбыттар өйдөбүллэрин үйэтитэбит уонна куораты көмүскээһиҥҥэ уонна чөлүгэр түһэриигэ кылааттарын киллэрбит дьоҥҥо махталбытын тиэрдэбит”, — диэн дириэктэр Иосиф Слепцов санаатын үллэстэр.
Саха Өрөспүүбүлүкэтин баһылыга Айсен Николаев 2026 сыллаахха үөрэх систиэмэтин сайыннарыы былааныгар анаммыт сүбэ мунньаҕы ыытта.…
Саха сиригэр олорор Украина националистическай структураларын дьайыыларын тутуһар киһиэхэ холуобунай дьыала тэриллибитин туһунан СӨ УФСБ…
Алексей Егорович Мостахов 80 сааһыгар ананар Туох барыта сүрүн төрүөттээх, силистээх-мутуктаах буоларын быһыытынан, быйыл күһүн…
Ааспыт сууккаҕа өрөспүүбүлүкэ иһигэр 2 буруйу оҥоруу түбэлтэтэ бэлиэтэннэ диэн СӨ Борокуратуурата иһитиннэрэр. Бу быһылааннары…
Арассыыйаҕа үөрэх араас кыһатыгар үөрэнэр устудьуоннары өйүүр миэрэлэр бааллар: истипиэндьийэ, уопсай дьиэлэр, Пушкинскай каарта, айан…
Ааспыт сууккаҕа түөкүттэр биир киһини албыннаан харчытын суйдаабыттарын туһунан ИДьМ пресс-сулууспата иһитиннэрэр. Нерюнгри куорат биир…